🔴 Марыя Ямант і Кастусь Каліноўскі
▪️ Яны пазнаёміліся ўвесну 1861 года. Каліноўскаму – дваццаць тры, Марыі – дзевятнаццаць. Ён толькі скончыў Пецярбургскі ўніверсітэт і шукае ў Вільні працу. Яна – выпускніца прыватнага віленскага пансіёна, ведае некалькі замежных моў, цікавіцца гісторыяй, літаратурай – і новымі ідэямі пра справядлівае грамадства, вядома.
▪️ У дом Ямантаў Каліноўскага прывёў брат Марыі Юзаф: юнакі пасябравалі на глебе ідэалагічнай. Пазней Юзаф далучыцца да паўстання.
▪️ Яны заручыліся. Пазней К. Каліноўскі напіша ёй з-пад варты славуты верш «Марыська чарнабрэва, галубка мая».
▪️ Напачатку 1864 году Марыя была арыштаваная, зняволеная ў былым віленскім кляштары місіянераў, пасля чаго сасланая разам з роднымі ў Табольск.
Каля 1874 году вярнулася з Сібіры і пасялілася ў Варшаве.
🔴 Леаніла Чарняўская і Максім Гарэцкі
▪️ У 1919 годзе Максім Гарэцкі прыехаў працаваць у Вільню. Леаніла Чарняўская была настаўніцай у Беларускай гімназіі. Аднойчы пісьменнік завітаў да яе.
▪️ Леаніла была чалавекам эрудзіраваным, па-сапраўднаму ўлюбёным у літаратуру, сама пісала – гэта і прывабіла Максіма Іванавіча. Пісьменнік наведваўся да Леанілы рэгулярна. Балазе, ад Базыльянскіх муроў, дзе пасяліўся ён у Вільні, да Вастрабрамскай вуліцы не так і далёка.
▪️ Прыходзіў разам з букетам руж, часам нават пад нечаканы посвіст куль на вуліцы і ў яе двары, бо той час быў неспакойным.
▪️ У газеце "Беларуская думка" за 17 ліпеня 1919 года на чацвёртай старонцы паведамлялася: "У Вільні Беларускае вяселле. Учора ў Прачысценскай царкве павянчаліся беларускі пісьменнік Максім Гарэцкі з беларускай вучыцелькай, аўтаркай беларускіх школьных кніжак Леанілай Чарняўскай".
▪️ Пасля двух арыштаў польскімі ўладамі Гарэцкія перабраліся ў Мінск, затым у Горкі. У 1930 годзе Максім Гарэцкімі быў арыштаваны савецкімі ўладамі, сасланы на пяць гадоў у Вятку.
▪️ Леаніла, Лёля, Ласка, Цярплівая Ласка (як пасля называў яе муж ў турэмных лістах) скіравалася за ім. У 1937 годзе Максім Гарэцкі быў зноў арыштаваны і расстраляны, а Леаніла стала “жонкай ворага народа”.
Присоединяйтесь к ОК, чтобы посмотреть больше фото, видео и найти новых друзей.
Нет комментариев