* * *
ТРОПАРЬ, глас 4-й:
Яко апостолов первозванный и верховнаго сущий брат, Владыце
всех, Андрее, молися, мир вселенней даровати и душам нашым
велию милость.
КОНДАК, глас 2-й:
Мужества тезоименитаго богоглагольника и Церкве возследователя
верховнаго, Петрова сродника восхвалим: зане якоже древле сему,
и ныне нам воззва: приидите, обретохом Желаемаго.
МОЛИТВА:
Первозванный Апостоле Бога и Спаса нашего Иисуса Христа, Церкве
последователю, всехвальне Андрее! Славим и величаем апостольс-
кия труды твоя, сладце поминаем твое благословенное к нам прише-
ствие, ублажаем честная страдания твоя, яже за Христа претерпел
еси, лобызаем священныя мощи твоя, чтим святую память твою и ве-
руем, яко жив Господь, жива же и душа твоя и с Ним во веки пребыва-
еши на небеси,идеже и любиши ны тоюжде любовию, еюже возлюбил
еси нас,егда Духом Святым прозрел еси наше, еже ко Христу обраще-
ние, и не точию любиши,но и молиши о нас Бога, зря во свете Его вся
нужды наша. Тако веруем и тако сию веру нашу исповедуем во храме,
иже во имя твое, святый Андрее, преславно создася, идеже святыя
мощи твоя почивают: верующе же, просим и молим Господа и Бога и
Спаса нашего Иисуса Христа, да молитвами твоими, яже присно пос-
лушает и приемлет, подаст нам вся потребная ко спасению нас гре-
шных: да якоже ты абие по гласу Господа, оставль мрежи своя, неук-
лонно Ему последовал еси, сице и кийждо от нас да ищет не своих си,
но еже к созиданию ближняго и о горнем звании да помышляет. Иму-
ще же тя предстателя и молитвенника о нас, уповаем, яко молитва
твоя много может пред Господем и Спасителем нашим Иисусом
Христом, Емуже подобает всякая слава, честь и поклонение со Отцем
и Святым Духом и во веки веков. Аминь.
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - 100%
* * *
Собор святого апостола Андрея Первозванного, построенный в Па-
трах – непосредственно на месте мученической кончины апостола...
https://ru.wikipedia.org/wiki/Собор_Андрея_Первозванного_(Патры)
Комментарии 1
Святой апостол Андрей, моли Бога о нас!!!