Казан утлары

Замир хатынын бик ярата. Мөмкин булса, җанын да ярып бирер иде. Ә менә Галиясе яратканмы, яратамы аны?.. УКЫГЫЗ: https://kazanutlary.ru/news/kalem-tibretucheler/yaratkanny-yaratu

Гомере буе шигырь белән җенләнеп яшәде Фәиз. УКЫГЫЗ: https://kazanutlary.ru/news/h-ter/shigyr-ezlp-kitte

Әрнеп типкән йөрәк өчен Бармы дәва җиһанда?! Өзгәләнеп үзәк өзелгәндә, Юатырлык янда кем кала?! Күз яшеңне кем сөртер соң, Назлы итеп сиңа кем багар? Өзгәләнеп ярдәм сораганда, Шәфкатьлелек белән кем карар? Язмышыңның кинәт үзгәрешен Үзең шулай итеп теләдең. Ялварулы карашымны минем Күрмәс өчен читкә төбәлдең. Юатырсың, диеп көтмим инде, Миңа булган хисең сүрелде, "Яратамын сине генә" - дигән Сүзләрең дә инде бүленде. Ятлар кочагында иркәләнү, җаным, Мавыктыргыч бары мизгелдер. Язмыш үзәнендә ялгыз калу - Тоталмаган тезгендер. Үпкәләмә чит-ятларга, Бу адымың үзең сайлаган. Әйтерсең лә, җәйге чәчкә таҗы Салкын кырау тиеп саргайган... Гөлназ Мәссарова. Чирмешән

Халыкларның, дәүләтләрнең оешуы мәсьәләсе төрле гуманитар фәннәрнең иң мөһим проблемаларының берсе булып тора. УКЫГЫЗ: https://kazanutlary.ru/news/kitap-k-z-t/protrki-babalarybyzga-yul-yaruchy-kitap

Без Иделләр кичкән идек, Ишкәкләр ишкән идек; Дулкын-дулкын дәрьяларга Серләрне чишкән идек. Мәңге бергә булырбыз дип, Вәгъдәләр эчкән идек; Язмыш бавын катлам-катлам Ныгытып ишкән идек... Ага Идел таудан-тауга, Тукталмый таңнан-таңга; Кага тормыш ярдан-ярга, – Дәрьядай сагыш җанда... Идел иңләп ага икән, Хәсрәтен кага икән... Гомерең буйлап йөзсәң генә, Ярың тиң сана икән! Равил Рахмани

Капка ачылды, әмма аннан Лаура түгел, тагын теге ир кеше чыкты да шактый вакыт урыныннан кузгалмыйча, Равилне күзәтеп торды. Ниһаять, Лаура пәйда булды. Өстенә фуфайка гына салган, аягында резин итек, яулык урынына башына кулдан бәйләнгән башлык кигән. Аның бөтен вөҗүденнән шөбһәләнү аңкып тора иде. Лаура нәрсәдер әйткәч, теге ир, Равил ягына ачу катыш сынаулы караш ташлады да капкадан теләр-теләмәс кенә кереп китте. УКЫГЫЗ: https://kazanutlary.ru/news/roman/serle-tanka-romannyn-davamy-1714626166

Безнең курку белмәс җайдак кавем Иярләде байтак атларны. Тик ахырдан күндәм чаптарларга Ия булды кулы ятларның. Бер кавемнәр җиңелеп откан чакта, Икенчеләр җиңеп оттырды. Ил өчен дип җанын фида кылды, Ә тезгенен кемгә тоттырды?! Җиңелеп тә отмас идек, беләм, Көрәш бара икән – җиңәргә! Тик читләрне якын җибәрмәскә Акбүзеңә, тезген-ияргә! Яугир дигән ат алгансың икән, Каралтмаска кирәк ак атың! И татарым! Атсыз калсаң да син, «Хөр Ватан!» дип борының канаттың. И татарым! Син өйрәткән атлар Ятлар өчен канат булдылар. Алар безгә яманатлар такты, Ә үзләре җайдак булдылар. Кемнәр атта – шулар дөнья көтә, Кем егылып калган – шул атсыз! Син өйрәткән атка йөгән салып, Дәүләтеңне талый һәр затсыз. Безнең курку белмәс яугир кавем Ат өстендә җиргә яралган. Йөгәнлисе, иярлисе иде Бу җиһанны кабат, яңадан! Фәнил Гыйләҗев

Яшел Үзән үзәк китапханәсендә узган "Уку бәйрәме" мәдәни чарасыннан бер мизгел. КАРАГЫЗ: https://kazanutlary.ru/news/shigri-mizgel/gazinur-morat-kitap-sze-shigyren-ukyy

Илкәем, безнеңчә яшәргә мәҗбүрсең, Кыйммәтләр башкарак, асылың үзгәргән. Сүзләрең телеңдә әлегә кипмәгән, Сагышың агыла безнең дә күзләрдән. Илкәем, кайчакта еларга мәҗбүрсең, Бернишләр хәлең юк, без шулай уйлагач. Син – кемдер су сибәр диепләр ышанып, Чүлдә дә яшәргә тырышкан төз агач. Ятларга – ятсыңдыр, читләргә – читсеңдер, Алар һич яратып төбәлмәс күзеңә. Ышанмас сүзеңә. Әмма без сайлаган Дәһшәтле язмышың килешкән үзеңә... Без ничек күтәрсәк – син шушы күкләрдә, Һәм ничек төшерсәк – син шушы төпкелдә. Күр, тарих эзлибез, кара җир актарып, Казыну нигәдер ут-кузлы ул көлдә?! Һаман ут салырга ашкына йөрәкләр. Һаман да бар гөнаһ өчен дә түлисең. Беркем дә бирмәгән соравым урынсыз: «Илкәем, син ничек яшәргә телисең?..» Фирүзә Җ

Авылда тугансың икән, юлың бер генә, син авылда калырга, атаң-анаң бил бөккән шул колхозда гомерлеккә эшләргә тиеш. Кайбер егетләр армиядән соң авылга әйләнеп кайтмаска җаен таба табуын, анда да урман кисү, шахтада күмер чабу кебек авыр хезмәтләргә ялланып киткәндә генә. Мәктәпне яхшы билгеләргә тәмамлап, институтларга укырга кергән бәхетлеләрне тота алмыйлар да бит. Тик Дамирга бу юллар насыйп булмады шул... УКЫГЫЗ: https://kazanutlary.ru/news/hezine-edebi-konkursy/kyrgych-khikyaa