10 Վեր կացավ Եզրաս քահանան և ասաց նրանց. «Դուք անօրինություն եք գործել և օտար կին եք առել՝ ավելացնելով Իսրայելի հանցանքը։ 11 Բայց հիմա խոստովանե՛ք ձեր հայրերի Տեր Աստծու առաջ և նրան հաճելի՛ն արեք և զատվե՛ք երկրի ազգերից ու օտար կանանցից»։
Գերությունից վերադարձած հրեաները ունեին խառն ամուսնական կապեր հեթանոս և կռապաշտ ազգերի հետ։ Սա դեմ էր Աստծու օրենքին և Նրա պատվերին։
Եզրաս քահանան մերժում է խառն ամուսնությունը և հորդորում է հրեաներին, որ նրանք զատվեն երկրի ազգերից և օտար կանանցից։ Աստվածաշնչյան այս հատվածի մեջ շատ կարևոր սկզբունք կա, որ պետք է դիտարկի ցանկացած մեկն, ով հավատացել է Տեր Հիսուս Քրիստոսին։ Ինչո՞ւ էր Եզրասը հորդորում զատվել այլազգի ընտանիքի անդամներից։ Ի՞նչ դաս և խորհուրդ կա այս ամենի մեջ մեզ համար։ Աստվածաշունչը մեզ սովորեցնում է՝ անհավատների հետ սերտ հարաբերություններ չունենալ, որովհետև արդարությունն անօրինության հետ ի՞նչ կապ կարող է ունենալ, կամ լույսը խավարի հետ ի՞նչ կապ կարող է ունենալ։
Սիրելի՛ ընթերցող, ինչպես լույսը խավարի հետ չի միաբանվում, այնպես էլ քրիստոնեությունը աշխարհի բարքերի հետ որևէ կապ չի կարող ունենալ։ Տիրոջ սկզբունքները անխախտելի են և հավիտենական։ Եթե քայլենք Նրա ճանապարհով, երբեք չենք մոլորվի։ Չենք կարող լինել քրիստոնյա և միևնույն ժամանակ՝ ապրել հեթանոսի պես։
Դարձի՛ր այն լույսը, ում միջոցով Տերը կլուսավորի այս խավար աշխարհի խավար սրտերը։
https://youtu.be/m5tQ65VD5Js?si=Q_-_f9vrFMThQAvL 👈👈👈 (ՍԵՂՄԻՐ,НАЖМИ) ՊԱՏԳԱՄԱԲԵՐ ՎԱՐԴԱՆ ՆԱՋԱՐՅԱՆ/ ԼՍԻՐ ՈՒ ԿԻՍՎԻՐ
https://youtu.be/XlQegUqCgOU?si=2HE0cdDU1B4Pk1w4 👈👈👈 (ՍԵՂՄԻՐ, НАЖМИ) ՊԱՏԳԱՄԱԲԵՐ ՎԱՐԴԱՆ ՆԱՋԱՐՅԱՆ/ ԼՍԻՐ ՈՒ ԿԻՍՎԻՐ
Присоединяйтесь к ОК, чтобы подписаться на группу и комментировать публикации.
Нет комментариев