Лёс падарыў яму такую магчымасць.
Дзяцінства мужчыны выпала на часы ваеннага ліхалецця. У дзесяцігадовым узросце пайшоў вучыцца ў Стральцоўскую школу, скончыць давялося толькі пяць класаў. З дасягненнем паўналецця юнака прызвалі на тэрміновую службу, якую праходзіў ажно ў далёкай Германіі. За тры гады, што правёў у далечыні ад родных, хацелася як мага хутчэй вярнуцца туды, дзе нарадзіўся і вырас.
У час службы мужчына атрымаў пасведчанне трактарыста-машыніста, што ў будучым паспрыяла працаўладкаванню ў мясцовы калгас «Прагрэс».
— Наша гаспадарка была ў ліку перадавых у раёне, — успамінае Анатоль. — Удзень шчыравалі на калгаснай ніве, а пасля мы, моладзь, збіраліся на вечарыны, дзе гучалі песні, граў гармонік. Незабыўныя былі часы.
Працаваў на трактарах розных марак, а як надыходзіў перыяд жніва, садзіўся за штурвал камбайна і ўбіраў збажыну. Калі ў 1994 годзе атрымаў права на датэрміновую пенсію, то яшчэ шмат часу працаваў малаказборшчыкам у вёсцы.
У сям’і выраслі пяць дзяцей, ёсць унукі, падрастаюць праўнукі. На жаль, спадарожніцы жыцця ўжо няма побач. Але, нягледзячы на ўсе складанасці лёсу, мужчына не губляе аптымізму, а з усмешкай строіць планы на заўтрашні дзень.
Нядаўна Анатоль Каснікоўскі сустрэў свой юбілей — яму споўнілася 85 гадоў. З гэтай нагоды ў дом да імянінніка завіталі намеснік кіраўніка раёна, дэпутат раённага Савета дэпутатаў Юрый Васілеўскі, старшыня раённага Савета ветэранаў Ірына Міхалёнак і кіраўнік прафкама КУВСП «Гарадзец» Наталля Салькевіч. Госці выказалі юбіляру словы найлепшых пажаданняў, падарылі памятныя сувеніры. Юрый Васілеўскі па даручэнні старшыні райвыканкама Дзмітрыя Ламака ўручыў Анатолію Каснікоўскаму Падзяку кіраўніка раёна за шматгадовую добрасумленную працу, значны асабісты ўклад у станаўленне і развіццё сельскагаспадарчай галіны.
http://www.klich.by/?p=131980 ) у братской могилы в агрогородке Лужки.
...Присоединяйтесь к ОК, чтобы подписаться на группу и комментировать публикации.
Комментарии 1