Больш за трыццаць гадоў свайго жыцця ён прысвяціў працы на карысць нашага раёна.
Нарадзіўся Аляксандр у Докшыцкім раёне. Пасля заканчэння Ільянскага саўгаса-тэхнікума і тэрміновай службы ў войску трапіў на першае месца працы — у калгас «Шлях Леніна» Глыбоцкага раёна, з’яўляўся ветэрынарным урачом.
З 1977 года і да выхаду на заслужаны адпачынак працаваў у нашым раёне. Спачатку з’яўляўся ўрачом гінеколагам раённай ветэрынарнай станцыі, потым стаў ветэрынарным фельчарам. Некалькі гадоў займаў пасаду намесніка начальніка ўстановы па гаспадарчай часці.
Былыя калегі, з якімі давялося разам працаваць, ажыццяўляць выезды ў сельгаспрадпрыемствы раёна і дапамагаць вясковым ветэрынарам, з цеплынёй успамінаюць свайго таварыша.
Вось ужо дзесяць год Аляксандр Разумовіч знаходзіцца на заслужаным адпачынку, але па-ранейшаму цікавіцца справамі работнікаў райветстанцыі, тэлефануе ім, па магчымасці прыязджае. Не забываюць свайго калегу і яны таксама.
У юбілейны дзень нараджэння ў гасцінны дом Аляксандра Разумовіча і яго спадарожніцы жыцця Таісы завіталі намеснік старшыні раённага выканаўчага камітэта, дэпутат раённага Савета дэпутатаў Юрый Васілеўскі, старшыня раённага Савета ветэранаў Ірына Міхалёнак і загадчык дыягнастычнай лабараторыі, старшыня прафсаюзнага камітэта райветстанцыі Лідзія Брэская.
Госці павіншавалі імянінніка з юбілеем, уручылі падарункі і кветкі, пажадалі моцнага здароўя, бадзёрасці і аптымізму. Юрый Васілеўскі ўзнагародзіў юбіляра Падзякай старшыні райвыканкама. За шматгадовую добрасумленную працу, значны асабісты ўклад у станаўленне і развіццё сельскагаспадарчай галіны раёна.
— Гады нібы птушкі ляцяць, — крыху з сумам адзначыў юбіляр. — Вельмі ўдзячны лёсу, што шаркаўшчынская зямля стала для мяне другой радзімай, дзе пашчасціла пазнаёміцца і разам працаваць з выдатнымі людзьмі.
http://www.klich.by/?p=131980 ) у братской могилы в агрогородке Лужки.
...Присоединяйтесь к ОК, чтобы подписаться на группу и комментировать публикации.
Комментарии 1