С. Лупіновіча НАН Беларусі. Супрацоўнікі падрыхтавалі невялікую выставу с/г тэхнікі з фондавай калекцыі музея. Выстава размясцілася ў файе бібліятэкі, на ёй можна азнаёміцца з ручной малатарняй і веялкамі – механічнымі сродкамі для абмалоту і правейвання збожжа 🌾
Распаўсюджванне сельскагаспадарчых машын спачатку ў памешчыцкіх, а пазней – у сялянскіх гаспадарках было абумоўлена прагрэсіўнымі тэндэнцыямі ХІХ ст.: паглыбленнем таварна-грашовых адносін, выкарыстаннем агранамічных ведаў, інтэнсіўных метадаў вядзення гаспадаркі, у тым ліку дасягненняў прамысловай рэвалюцыі. Механічныя малатарні і веялкі давалі магчымасць змалаціць і правеяць зерне да надыходу глыбокай восені і вызвалялі ад неабходнасці захоўваць збожжа ў гумнах у закрытых памяшканнях. Абмалочанае ў кароткі тэрмін зерне можна было хутчэй прадаць. Пры абмалоце на малатарнях амаль адсутнічалі страты зерня, тады як пры абмалоце цапамі страты складалі ад 5 да 10 %. Ручной малатарняй можна было абмалаціць за дзень 10 коп жыта (600 снапоў), малатарняй з конным прывадам – 20-25 коп жыта (1200-1500 снапоў). Пашырэнне сельскагаспадарчых машын у сялянскіх гаспадарках адбываецца ў к. ХІХ – пач. ХХ стст. і звязана з паступовай маёмаснай дыферэнцыяцыяй, колькасным ростам заможных гаспадарак.
На выставе прадстаўлена ручная малатарня ліцейнай фабрыкі “Benland”, г. Ліда. Прадпрыемства ў 1920-30-я гг. выпускала розныя машыны для інтэнсіўнага вядзення сельскай гаспадаркі – сячкарні, малатарні, конныя прывады. Сяляне ў Заходняй Беларусі карысталіся прадукцыяй польскіх машынабудаўнічых фабрык і заводаў. Так, у валоданні жыхароў в. Казлы Вілейскага павета была веялка-арфа фабрыкі “Nitsche i Ska Poznan”. Сяляне не абмяжоўваліся фабрычнымі машынамі, на выставе можна ўбачыць веялку- “пушню” саматужнай вытворчасці, якую для сваёй гаспадаркі вырабіў Мацур Колтан Сільвестравіч - селянін з в. Слабодка Вілейскага павета.
Аб ролі і значэнні сельскагаспадарчых машын у працоўным побыце беларускага селяніна падчас мерапрыемства распавёў вядучы навуковы супрацоўнік музея Аляксандр Аляксандравіч Макарчык. etna.by
Присоединяйтесь к ОК, чтобы подписаться на группу и комментировать публикации.
Нет комментариев