Тӱжем индешшӱдӧ нылле визымше ийым калык нигунамат ок мондо, Кугу Отечественный сар пытымылан шымле индеш ий. Мыняр салтакын ӱмыржӧ лугыч лийын, сарын кочыжо кажне гаяк суртыш шеҥын пурен.
Ме, Ӱлыл-Азъял ялыше илыше- влак, шке геройна-влакым, нунын пашаштым шарнышаш улына, самырык тукымлан патриотический шӱлышым изинекак пуртышаш улына. Кугу Отечественный сарыште вуйым пыштыше да мемнан тыныс илышна верч шогышо-влак ончылно вуйнам савена да моткоч кугу таум каласена.
Тек мемнан илышна эре тыныс да волгыдо лиеш!
Ме шарнена! Ме кугешнена! Нигӧ мондалтын огыл ... нимо мондалтын огыл, - тыге тӱҥале Сеҥымаш кечылан пӧлеклалтше пайремым ялысе библиотеке вуйлатыше Лидия Васильевна Романова.
"Сарыште вуйым пыштыше, сусыр деч вара уке лийше, илыш гыч кайыше-влакым ме эреак шарнен илаш тӱҥалына", - манын мучашлыш Лидия Васильевна.
Таче тышке чумыргышо-влак тӱрлӧ ийготан изи гыч тӱҥалын илалше марте ятыр еҥ чумырген. Шочмо элнам фашист-влак деч саклен кодымыштлан мланде марте вуйнам савена.
Мемнан пиал верч вуйым пыштыше-влакым огеш лий мондаш.
Присоединяйтесь к ОК, чтобы подписаться на группу и комментировать публикации.
Комментарии 4
Кугу Отечественный сарыште мемнан Элын сеҥымыжлан 9 майыште 79 ий. Тиде - мемнан калыклан моткоч шерге пайремже. Вет кугезына-влак тунам шочмо элнан курымашлык тыныслыкшым арален коденыт. Тидлан шке вийыштым да илышыштым чаманен огытыл. Кугу Отечественный сарын пагалыме ветеранже, тылыште тыршыше да сарын йочаже-влак! Тыгак Российын чыла гражданже-влак! Уло кумылын Сеҥымаш Кече дене тендам саламлем да вуй ӱмбалне тыныс кавам, эреак волгыдо илышым да курымашлык эрыкым тыланем!
Ме тӱрлӧ улына, тӱрлӧ кундемыште илена... Но таче чыланнам ик шӱлыш, ик вий уша. Таче - мондаш лийдыме, куаным кондышо да тунамак чоным ишыше пайрем...
Кава шарна... Ме шарнена...
Пайрем дене, йолташ-влак!