-Ես սիրՎելով ամուսնացա: Ես ուշ, բայց հասկացա, որ կինը մի դեր ունի միայն կյանքում` սիրելի լինել, զգալ իրեն սիրված:
Խոհանոցում կլինի, ննջարանում, թե տանից դուրս, պիտի զգաս, որ երկու աչքեր հետևում են քեզ, և ոչ երբեք կասկածով լցված, այլ հոգատարորեն:
Վստահ պիտի լինես, որ երկու ամուր բազուկ պատրաստ են պատառ-պատառ անել սիրտդ կոտրող շնչավոր, թե անշունչ ամեն բան, կլինի դա հարևանի հարսը` իր կծու խոսքերով, թե միջանցիկ քամին, որ մազերդ կխառնի իրար:
Պիտի վստահես նրան քո սիրտը, նրան, որ երբեք չի կոտրի այն այնպես, ինչպես դա արեց նա, ում սիրում էիր ինքնամոռաց:
Ու հա, ինքնամոռաց ոչինչ չպիտի անես. պիտի հիշես, որ ամենակարևոր մարդը քո կյանքում, հանուն որի երջանկության դու պիտի պայքարես, նախ դու ինքդ ես: Ոչ երեխաներդ, ոչ էլ ամուսինդ չպիտի լինեն քեզանից առաջ: Պիտի լինեն քեզ հավասար, բայց ոչ երբեք գերագնահատված: Հակառակ դեպքում պիտի վերածվես սպասուհու ու խնամակալի, խոհարարի ու դայակի, բայց ոչ երբեք սիրելի կնոջ ու գնահատված մոր:
Եվ դու պիտի իմանաս քո տեղը: Դու կարևոր չես ավելի, քան քո տղամարդու ընկերները: Դու սիրելի չես ավելի, քան ծնողները նրա: Եվ դու անսխալական չես ավելի, քան նրա բարեկամները:
Մի բան հիշիր միայն: Պիտի հիանան քեզանով, պիտի պաշտեն, պիտի երկրպագեն: Բայց և դու չպիտի վերածվես ինքնության պաշտամունքով տառապող եսամոլի:
Թաքցրու ինքդ քո հանդեպ ունեցած հիացմունքդ, դրսևորիր խոհեմություն, եղիր խոնարհ, որովհետև միայն նա, ով գլուխը կախ կդիմավորի ամուսնուն, արժանի է, որ համբուրեն ճակատը:
Միայն նա, ով բաց ձեռքով կդիմավորի նրա ազգականներին, արժանի է, որ համբուրեն ձեռքերը:
Եվ միայն նա, ով արժանավայել է ապրել մենակեցության օրերը, արժանի է հավերժական երջանկության ամուսնական կյանքում:
Իսկ սիրելով ամուսնացա ես, թե ոչ, բոլորովին էլ կարևոր չէ: Որովհետև անարժեք է այն զգացմունքը, որը ունակ է քեզ ցածրացնել, և որի համար աչքերդ հատակին ես գցելու:
Դու պիտի սիրՎելով ամուսնանաս, որ գլուխդ միշտ բարձր ապրես` արժանիի կողքին, արժանի կյանքով:
Սյու Դալյան
30, մարտ 2018թ.
Присоединяйтесь к ОК, чтобы подписаться на группу и комментировать публикации.
Комментарии 34