Спецыяліст па налічэнні камунальных паслуг гаворыць: за 25 гадоў у сферы многае трансфармавалася. І яна змагла назіраць, як мяняецца жыццё Дабрушан. А разам з тым - і работа аддзела. - Калі сёння інфармацыю для плацежных паведамленняў выдаюць спецыяльныя камп’ютарныя праграмы, то раней мы пачыналі са звычайных лічыльнікаў, - гаворыць суразмоўніца. - Перакідваючы костачкі, высвятлялі каму і колькі трэба аднесці на пошту за персанальны камфорт. Пасля працавалі з калькулятарамі. Нават цяпер калі-нікалі магу пераправерыць суму ўручную - звычка. Людзі ў абаненцкі аддзел прыходзяць з рознымі запытамі. Аднаму трэба высветліць, чаму ў мінулым месяцы больш за газ узялі, іншы просіць растлумачыць парадак прадстаўлення льгот. І да кожнага, у якім бы настроі дабрушанін ні прыйшоў, Ірына падбірае «ключык». Наплыў наведвальнікаў здараецца ў сярэдзіне месяца, калі толькі абнаўляюцца базы, удакладняе яна. - Хтосьці скажа, што мая праца манатонная і аднастайная. Але ні плацельшчыкі, ні калегі ніколі не дадуць засумаваць, - усміхаецца Ірына Серакова. - І напярэдадні прафесійнага свята хочацца яшчэ раз падзякаваць калектыву. Бо, як і ў жыцці, у камунальнай сферы на першым месцы былі і будуць узаемападтрымка і стараннасць.
#приветсейчасдобруш #добруш #dobrush #гомель #gomel #беларусь #belarus
Присоединяйтесь к ОК, чтобы посмотреть больше фото, видео и найти новых друзей.
Нет комментариев