Запамінальная была ў мяне ў Вільні сустрэча з Вітаўтасам Ландсбергісам - колішнім лідэрам "Саюдзіса", першым кіраўніком незалежнай Літвы.
Для мяне Ландсбергіс - легенда, адзін з тых, хто разам з Пазьняком, Чарнавілам, Гамсахурдзіа, Сахаравым зваліў камуністычную імперыю зла.
Мы зь ім бачыліся колькі разоў, пераважна ў складзе дэлегацыяў, таму я на ўсякі выпадак, з увагі на ўзрост, звычайна прадстаўляюся, каб суразмоўца змог успомніць і зразумець, з кім мае справу.
Іду да яго ў поўнай залі прэзідэнцкага палацу, каб прывітаць, паціснуць руку, а ён убачыў, устае:
-Павел, вітаю. Як там у Беларусі?
Чалавеку ўжо 86, у такім узросьце дай Бог кожнаму памятаць, хто ты такі сам. Мне хутка 43, удвая менш, але і тое забываюся, з кім бачыўся месяц таму. А ён ня толькі нейкага замежнага Паўла памятае, але і падрабязна распытвае наконт Лукашэнкі, апошніх падзеяў, Расеі і народных настрояў.
Пры абмеркаваньні Астравецкай АЭС выступ Ландсбергіса быў самым моцным - ён да цалі ясна і зразумела тлумачыў еўрапейцам, што такое расейская гібрыдная ядзерная вайна.
Пакаленьне тых зуброў, канечне - асаблівае дабраславеньне. Нам да тых дзядоў яшчэ топаць і топаць. Карацей, моладзь, вучыцеся - каб і ў 86 умець адстойваць незалежнасьць сваёй краіны.
Присоединяйтесь к ОК, чтобы посмотреть больше фото, видео и найти новых друзей.
Комментарии 2