Предыдущая публикация
Воспоминание о событии 2 года назад
Не маўчы, мой народ, не маўчы,
Калі белае робіцца чорным.
Мы павінны сябе зберагчы:
Захаваць свае веды і чоўны.
Нам усім па цячэнні плысці
Па рацэ, што люляла свабоду.
Беларусь падымаць па-жыцці
І ствараць пераможную оду.
Чорныі час выпрабоўвае нас:
Ён дыктуе свае нам умовы.
Ды агонь нашых сэрцаў не згас --
Мы ідзём да Айчыны, да мовы.
Мы вяртаем свой страчаны дом,
У якім прыжыліся вар'яты,
Што ўзрасцілі чырвоны фантом
Камунізму, што лёсам пракляты.
Не забудзем імёны сыноў,
Што гукалі праз краты свабоду.
Беларусь, мы адродзім наноў:
Вернем сымбалі веры народу.
25.07.2021. Заслаўе
Следующая публикация
Нет комментариев