” запрашаў пакаштаваць усіх жадаючых 27 сакавіка 2021 года раённы фестываль гумару ў Уздзе, прысвечаны 125-годдзю з дня нараджэння народнага пісьменніка БССР, Героя Сацыялістычнай працы, члена Саюза пісьменнікаў з 1934 г., ураджэнца в. Нізок Кандрата Крапівы (Кандрата Кандратавіча Атраховіча), які ладзіўся ў мясцовай клубнай установе вёскі Прысынак з дапамогай творчага калектыву Узденскага раённага Дома культуры.
Атрымаць фотаздымак з персанажамі баек Крапівы была магчымасць у фотазоне “Едзем-едзем на кірмаш”. Прыцягваў сваімі ўнікальнымі здымкамі, аўтографамі, часопісамі і даўнейшымі выданнямі Кандрата Крапівы, народных кампазітара і паэта, заслужанага дзеяча культуры БССР кампазітара Паўла Іванавіча Шыдлоўскага, мастакоў СССР братоў Аляксея і Сяргея Ткачовых, артыста тэатра і кіно Анатоля Труса існуючы тут міні-музей “Зямля славутых землякоў”.
Тэатралізаванае дзейства “Кандратава хата запрашае на свята!” развярнулася ў глядзельнай зале. Гумарыстычныя пачастункі і музычныя прышчэпкі прывезлі на фестываль аматары народнай творчасці з усяго раёну - хто байкі чытаў, а хто іх прадстаўляў, хто песні спяваў, а хто і на гармоніку граў! Гасцінныя гаспадары Кандрат Кандратавіч з жонкай Марыляй Кандратаўнай ды дачкой Паўлінкаю шчыра віталі, сутракалі, прывячалі ды дзякавалі асаблівымі “гурочкамі з Нізаўской бочкі” ды кваском з крапівы ўсіх, хто падымаўся ў імпразаваную хату на сцэне, хто ўспамінаў прыказкі і назвы знакамітых баек К. Крапівы, “схаваных” у гліняным гаршочку-спарышы, гледачаў, якія не скупіліся на шчырыя апладысменты. Напрыканцы свята Ганаровыя дыпломы ўдзельніка фестывалю госці атрымалі з рук земляка, члена Саюза пісьменнікаў РБ Віктара Сабалеўскага.
Присоединяйтесь к ОК, чтобы посмотреть больше фото, видео и найти новых друзей.
Нет комментариев