Ў СТОЎБЦАХ
ТЫДЗЕНЬ, ПРЫСВЕЧАНЫ МАЦІ БОЖАЙ СУЦЯШЭННЯ
На працягу ўсяго тыдня, з 28 жніўня па 4 верасня, у касцёле святога Казіміра ў Стоўбцах у 15 гадзін пачынаецца Адарацыя Найсвяцейшага сакрамэнта. Падчас Адарацыі молімся Вяночак да Божай Міласэрнасці, Літанію да Божай Міласэрнасці. У 17 гадзін распачынаецца Ружанец. Адказныя за гэтую малітву Ружы ружанцовыя, кожная ў вызначаны дзень. Заканчваецца Адарацыя літаніяй да Маці Божай Суцяшэння. Затым - святая Імша.
У суботу і нядзелю вернікі з задавальненнем прысутнічалі на канферэнцыях ксяндза Яўгена Вінтова, прысвечаных Божай Маці. За што ксяндзу Яўгену - шчырая ўдзячнасць.
Кожны дзень на гэтым тыдні мае спецыяльную інтэнцыю. У суботу маліліся за Святога Айца, біскупаў, святароў, клерыкаў, сясцёр і братоў законных, а таксама аб новых святарскіх, законных i місійных пакліканнях. На нядзелю - інаўгурацыя новага навучальнага года. Падчас усеагульнай малітвы даручаем Маці Божай дзяцей, моладзь, настаўнікаў, катэхетаў і выхавацеляў, якія распачынаюць новы навучальны год. Пасля Імшы - благаслаўленне падручнікаў, школьнікаў, студэнтаў, настаўнікаў, выхавацеляў.
Панядзелак на гэтым тыдні прысвечаны дню дзяцей. У гэты дзень адбудзецца малітва ў інтэнцыі ўсіх дзяцей і іх бацькоў; аб павазе да ненароджанных дзяцей; у інтэнцыi маці ў благаслаўлёным стане, а таксамаў інтэнцыі сужэнстваў, якія не могуць мець дзяцей.
У аўторак, 31 жніўня, - Дзень працуючых людзей і ахвярадаўцаў. Будзем маліцца аб благаслаўленні для ўсіх працуючых людзей ва ўсіх сферах дзейнасці і ахвярадаўцаў.
Айчыне прысвечана серада, 1 верасня. За Беларусь, за беларускі народ будзем прасіць Бога ў нашых малітвах.
У чацвер, 2 верасня памолімся ў інтэнцыі хворых, работнікаў аховы здароўя і ўсіх, хто апякуецца хворымі людзьмі, за бабуляў і дзядуляў.
Пятніца, 3 верасня - Дзень памяці аб памерлых. Падчас святой Імшы памолімся ў інтэнцыі ўсіх памерлых святароў і кансэкраваных асобаў, якія неслі служэнне ў нашай парафіі, а таксама за памерлых вернікаў і дабрадзеяў нашай парафіі.
Субота, 4 верасня - дзень Маці Божай Суцяшэння. Малітва ў інтэнцыі членаў Жывога ружанца, Легіёна Марыі, руху «Маргарытка» i Апостальства дапамогі душам чыстцовым і малітва за парафію будуць гучаць падчас святой Імшы.
ЗАПРАШАЕМ НА АГУЛЬНУЮ МАЛІТВУ!
КАСЦЁЛ АДКРЫТЫ ЦЭЛЫ ДЗЕНЬ.
Присоединяйтесь к ОК, чтобы посмотреть больше фото, видео и найти новых друзей.
Нет комментариев