23 сакавіка ў 12.00 ад фігуркі Маці Божай па вуліцы 17 Верасня, 34, наша моладзь адпраўляецца ў Экстрэмальны Крыжовы шлях па маршруце: Акінчыцы-Мікалаеўшчына- Кнотаўшчына-Новы Свержань-Стоўбцы. Працягласць шляху каля 28 кіламетраў.
Пры сабе неабходна мець Крыж, святлоадбівальную камізэльку, ваду, невялікі пасілак (каму неабходна) і, зразумела, зручны абутак і шмат сіл.
Калі ў Крыжовы шлях хочуць ісці дзеці ва ўзросце да 18 гадоў, то неабходна дамаўляцца з дарослымі асобамі, якія будуць адказваць за іх бяспеку.
Па ўсіх пытаннях можна звяртацца па тэл.: 8033 6783315 і 8029 2692320.
Калі ўпэўненныя ў сваіх сілах, далучайцеся!
Крыху - пра Экстрэмальную Крыжовую Дарогу (далей – ЭКД).
Звычайна ЭКД адбываецца ноччу, але мы пачнем днём і ў цішыні, што вельмі важна. Нашы разважанні падчас дарогі – гэта не мудрыя цытаты з мудрых кніг, а сапраўдныя гісторыі сапраўдных людзей, якія замянілі выдуманую праўду на ўласны духоўны вопыт.
І так наша ЭКД-2024 – гэта Дарога Пералому.
Такая назва выбрана не выпадкова. Гэта адкрыццё таго, які ўплыў ЭКД мае на чалавека. ЭКД павінна балець. Не трэба сябе шкадаваць ці шукаць выгады. Пікнікі, размовы ў дарозе толькі мяшаюць, таму ўся праца марная. Цішыня, моцныя пастанаўленні, пераадольванне цяжкасцей – гэта тое, што вядзе нас да важнага моманту. Калі ўсё баліць, крычыць “вяртайся да ложка!”, “навошта табе гэта?!” – можам адказаць: “Не хачу выгодаў, я хачу сапраўднага жыцця”.
Толькі пераадольваючы сябе мы можам распачаць сапраўдную размову з Богам. Бо тады мы не думаем толькі пра себя, але перш за ўсё пра спатканне з Богам. У гэтай размове Бог гаворыць: “Ты ведаеш кім ты з’яўляешся, але не ведаеш, кім можаш быць. Адрыйся на новае жыццё. Пакінь тое, што было, і ўбачыш як можа быць”.
Далучыцца да групы ў вайберы можна па спасылцы: https://invite.viber.com/?g=UsavISD0klLcASmVq5YIMJF2kikJ4Nfa
Присоединяйтесь к ОК, чтобы посмотреть больше фото, видео и найти новых друзей.
Нет комментариев