Мы чакаем яго як цуду, чакаем, што нехта добры і моцны прыйдзе і вызваліць нас і нашых вязняў.
Я прыгадваю свой Дзень волі 2017-га. Тады былі затрыманыя амаль ўсе лідэры, у ізалятарах сядзелі ўсе, хто мог арганізоўваць і весці людзей. Я атрымала трохі менш за іншых - усяго сем сутак - і змагла прыехаць да ЦУМа на праспект Незалежнасці, дзе збіраўся народ і дзе ўжо з раніцы было шмат тэхнікі.
Вялікія групы людзей рухаліся па ходніках уздоўж праспекта, лідэраў не было, але беларусы СПРАБАВАЛІ правесці акцыю. Я заўважыла Дз.Балабу, кіраўніка мінскага АМАПа. Я падыйшла да яго і спрабавала дамовіцца, каб яны не затрымлівалі мірных людзей, якія рэалізуюць сваё канстытуцыйнае права і нічога не парушаюць. Я НАМАГАЛАСЯ абараніць іх. Ён спачатку не адмаўляўся камунікаваць, нешта тлумачыў, але хутка па яго паводзінах я зразумела, што загад зверху ужо аддадзены. Я ўбачыла, як з міліцэйскага транспарту ўжо выбягаюць тыя, хто праз хвіліну пачне збіваць і затрымліваць людзей. І хоць тады ў мяне нічога не атрымалася, але я выразна адчула, як важна часам не чакаць нечага ад іншых, а самому спрабаваць нешта рабіць насуперак абставінам.
Не сакрэт, што ў гэта свята мы адчуваем сябе няпроста, маем супярэчлівыя пачуцці.
Але хіба тое, што мы ўсё адно выходзім у гэты дзень, СПРАБУЕМ гэты мур на трываласць зноў і зноў - не прыкмета нашай моцы, нашай пакуль яшчэ нерэалізаванай перамогі?
Я пераканана, што нашая перамога складзецца менавіта з гэтага - з маленькіх намаганняў кожнага з нас. І таму ў гэты дзень я жадаю ўсім нам, каб нашыя маленькія намаганні пераплавіліся ў вялікую радасную перамогу народа над бесчалавечным рэжымам. І гэта абавязкова адбудзецца, бо нас большасць, і мы проста павінны працягваць рабіць усё, што залежыць ад нас.
Са святам, дарагія сябры.
🤍❤️🤍
Жыве Беларусь!
#воляваша
Присоединяйтесь к ОК, чтобы посмотреть больше фото, видео и найти новых друзей.
Нет комментариев