”Сутнасць праекта ў тым, што жыхары адной вёскі знаёмяцца з жыхарамі другой вёскі Воранаўскага краю, іх бытам, традыцыямі, творчасцю. У гэты дзень прымалі гасцей з вёскі Пеляса Больцішскага сельскага Савета жыхары вёскі Асава Пагародзенскага сельскага Савета. У пачатку вёскі Асава разам з жыхарамі гасцей сустракалі з караваем старшыня Пагародзенскага сельскага савета Сінельнікава Вольга Уладзіміраўна і намеснік кіраўніка па ідэалагічнай рабоце КСУП э/б «Пагародна» Кулак Марына Генадзьеўна, а таксама работнікі філіяла “Пагародзенскі цэнтр культуры і народнай творчасці”. Гаспадар і гаспадыня запрасілі гасцей на урачыстую імшу ў касцёл Святога Георгія, дзе памадліўся за ўсіх прысутнічых ксёндз Ян.
Урачыстае адкрыццё свята пачалося з падарункаў ад жыхароў вёскі Пеляса. Усіх жыхароў і гасцей свята павіншавала галоўны спеціаліст аддзела ідэалагічнай работы, культуры і па справах моладзі Воранаўскага райвыканкама Няделька Людміла Валянцінаўна. Словы падзякі, песні гучалі ў гонар жыхароў вескі: ад ўдзельнікаў аматарскай творчасці з в.Пеляса, ад ваеннага аркестра Лідскага пагранічнага атрада, ад работнікаў і ўдзельнікаў аматарскай творчасці філіяла “Пагародзенскі цэнтр культуры і народнай творчасці”. На працягу свята праслаўлялі шматдзетных маці, маладыя сем'і, а таксама сем'і, якія пражылі разам шмат гадоў. Старажылы распавядалі пра гісторыю вескі. Падарункі атрымалі амаль ўсе жыхары в.Асава.
Завяршальным этапам свята быў конкус прыпеўкаў і частушкаў “Вёска на вёску”, у якім перамагла дружба, а таксама фотаздымак на памяць. Старшыня Больцішскага сельскага Савета Скорб Марыя Станіславаўна разам з пеляскімі жыхарамі запрасіла ўсіх прысутнічых на заўтра ў госці ў вёску Пеляса. Чакаем працяг свята.
Присоединяйтесь к ОК, чтобы посмотреть больше фото, видео и найти новых друзей.
Нет комментариев