АНАМА...
Анам мени догъурып осьтирди
Бильмеген шейлерни анълатып огретти
Бу хаятта догъру ёл косьтерди
Джан юрегинден севги ашлады
Сиз Аначыгъым, тек сиз бир дане
Алладан берильген энъ садыкъ Фериштем.
Ах, не къадар янълышлар хаятта япылды
Аначыгъым, сиз меним кучьлю ярдымджым
Сиз олмагъайды – батакъларгъа батып
Китерди янып башым, такъдирим
Сиз Аначыгъым, сиз бир дане
Аллахтан берильген сабырлы Фериштем.
Кимге кичкене баладан –буюгъандже
Козюне корюнмеди бир башкъа эглендже
Хаста-заифы олсун сагълам кучьлю деп
Башынъ тёпесинде турды куньдюз-гедже
Хастагъа илядж тапып, юрегинъе – мельэм
Аллахтан берильген эким Фериштем.
Хаят ёллары узун, тикенли
Де тен ярала, де юрек тарсыкъа
Анасын агълатып акъкъан козь яшы
Баланын башына тюше таш киби
Тек алчакъгонъюль, бош-юрек Анадан
Изин алына, амма джеза – Аллахтан.
Агълатманъ, ынджытманъ Ана гонълюни
Сёзю- алтын кесе, берекетли къолу
Тек АНА – энъ улугъ севген къальбинден
Яхшы-ярамаз балагъа сорар Дженнетни
О, тек АНА – муляйим, мераметли, сени севе
Хаятынъда къорчалап-сакълап юре
Аллахтан берильген бир дане Фериштенъ.
Присоединяйтесь к ОК, чтобы посмотреть больше фото, видео и найти новых друзей.
Комментарии 9