Абу Бакр Варрақийнинг кичик бир ўғли бўлиб, бир устоздан Қуръон дарсларини ўрганарди.Бир куни бола ранги ўчган ва титраган ҳолда машғулотдан вақтли қайтди.Отасининг "Нима бўлди, ўғлим? Нега вақтли қайтдинг?"-деган саволига бола:"Отажон!Бугун устозим Қуръондан бир оят ўргатдилар .Мен уни маъносини билганимда қаттиқ қўрқиб кетдим"-деди ва Музаммил сурасининг 17-оятини ўқиб берди:
فَكَيْفَ تَتَّقُونَ إِنْ كَفَرْتُمْ يَوْمًا يَجْعَلُ الْوِلْدَانَ شِيبًا
Агар кофир бўлсангиз, болаларнинг сочини оқартиб юборадиган кундан қандай сақланасиз?! («болаларнинг сочини оқартиб юборадиган кун»–Қиёмат куни экани ҳаммага маълум.).
Бу оятни чуқур тафаккур қилган бола тез орада касалланиб, вафот этди.Абу Бакр Варрақий фарзандини қабрини зиёрат қила туриб йиғлаб айтарди:"Эй Абу Бакр, ўғлинг Қуръондан битта оятни ўқиб, Аллоҳ таолодан қўрққан ҳолида дунёдан ўтди.Сен эса шунча вақтдан бери Қуръон ўқийсану, лекин Аллоҳдан бу кичик бола қўрққаничалик қўрқмадинг".
▪ЭЙ МУСУЛМОНЛАР!
Сизлардан баъзиларингиз ҳашаматли ва қиммат автомобилларни ҳоҳлайсиз.Эсда тутинг!Эртами- кечми сизни ётган ҳолингизда қабр томонга олиб кетувчи автомобилни йўловчиси бўласиз.
▪ЭЙ МУСУЛМОНЛАР!
Сизлардан баъзиларингиз замонавий ва қимматбаҳо кийимларни ҳоҳлаб эс-ҳушингиздан айриласиз, ваҳоланки бу вақтда бошқа биродарингизни эгнига кийишга тайинли бир кийими йўқ.Эсда тутинг!Эртами - кечми ҳаётингизни жасадингизни ўраган бир парча оқ матода охирлайсиз.▪
ЭЙ МУСУЛМОНЛАР!
Сизлардан баъзиларингиз муҳташам иморат қуриш учун бор-будингиздан воз кечасиз.Эсда тутинг!Эртами - кечми қабр сизнинг ҳақиқий ва доимий уйингизга айланади.
▪ЭЙ МУСУЛМОНЛАР!
Сизлардан баъзиларингиз лазиз таом ва камёб деликатесларни очкўзлик билан ейсиз, ваҳоланки қанчадан-қанча биродарларингиз оч қолишяпти .Эсда тутинг!Эртами - кечми ўзингиз ҳам ер тагидаги қурт- қумурсқаларни ризқига айланасиз.
▪ЭЙ МУСУЛМОНЛАР!
Сизлардан баъзиларингиз ҳурмат - иззат кетидан қувиб, Аллоҳ розилигига интилиш ўрнига инсонларни олдида обрў-эътибор қозонишга уринасиз.Эсда тутинг!Бир кун келиб қабр қоронғулигида ёлғиз қоласиз.
▪ЭЙ МУСУЛМОНЛАР!
Сизлардан баъзиларингиз телевизорда кўнгилочар кўрсатувлар ва сериаллар кўриб,мусиқа эшитиб, фойдасиз роман ва детективлар ўқишга вақтингизни зое қиласиз.
Эсда тутинг!
Охиратда Аллоҳ таолонинг зикрисиз ўтган ҳар бир сониянгизга пушаймон бўласиз!!!
Присоединяйтесь к ОК, чтобы посмотреть больше фото, видео и найти новых друзей.
Нет комментариев