Нима деб атайин? Ўзинг менга айт
Аслингни хеч сўздан туймадим Ватан
Кечиргин мадхингга ёзиб битта байт
Мен сени сўз билан суймадим Ватан!
Оҳ Ватан! Менда ҳам бордир муҳаббат
Ҳар кеча номингга битгим келар хат
Шаънингга муносиб сўз топмай фақат
Мен сени сўз билан суймадим Ватан!
Кимлардир бағрингда илондек ётди
Кимлар сенинг қадринг арзонга сотди
Маддохлар нағмаси жонимга ботди
Мен сени сўз билан суймадим Ватан!
Кимларга йўл бўлдинг манзиллар сари
Сени маёқ этди - кесди ханжари
Айбим... бўлолмадим улар сингари
Мен сени сўз билан суймадим Ватан!
***
Nima deb atayin? Oʻzing menga ayt
Aslingni xech soʻzdan tuymadim Vatan
Kechirgin madxingga yozib bitta bayt
Men seni soʻz bilan suymadim Vatan!
Oh Vatan! Menda ham bordir muhabbat
Har kecha nomingga bitgim kelar xat
Shaʼningga munosib soʻz topmay faqat
Men seni soʻz bilan suymadim Vatan!
Kimlardir bagʻringda ilondek yotdi
Kimlar sening qadring arzonga sotdi
Maddoxlar nagʻmasi jonimga botdi
Men seni soʻz bilan suymadim Vatan!
Kimlarga yoʻl boʻlding manzillar sari
Seni mayoq etdi - kesdi xanjari
Aybim... boʻlolmadim ular singari
Men seni soʻz bilan suymadim Vatan!
Мурод Миркомил
2020 й
Присоединяйтесь к ОК, чтобы посмотреть больше фото, видео и найти новых друзей.
Нет комментариев