Ступіла ўжо восень на года парог,
Апошняй мелодыяй лета,
Акордам сустрэч і растанняў званок
Пазваў у Краіну Ведаў.
З усмешкамі крочыце ў клас.
Дай Бог, каб яны не згаслі,
Каб лёс быў лагодным да вас,
Не крыўдзіў, а быў толькі шчасным.
Выдатных вам вучняў! І як жа без іх?
І тых, што не вельмі...слабейшых.
Яшчэ метадычак, падручнікаў, кніг
Разумных і крыху таннейшых.
Прыгожымі быць. Ну няхай не мадэль,
Але на сябе час знаходзіць.
Зарплата? Хай будзе нялёгкім партфель,
Як з банка з грашамі выходзіш.
У шафе – абновак багата паліц,
І хлеб на стале і да хлеба.
Ніколі-ніколі не ведаць бальніц,
Аптэкі таксама не трэба.
Кахання – да скону і вернасці вечнай,
Букеты – ад самага лепшага ў свеце,
Душэўных суседзяў і дружбы сардэчнай,
Каб слухалі вас асабістыя дзеці…
Без жартаў, сур’ёзна хачу пажадаць:
Павагі, увагі і дома, і ў школе,
Заўсёды з ахвотай ісці працаваць,
Сваёй ганарыцца настаўніцкай доляй.
Присоединяйтесь к ОК, чтобы посмотреть больше фото, видео и найти новых друзей.
Комментарии 5