Предыдущая публикация
☦Сегодня вечером и завтра утром последний раз читаем Часы Святой Пасхи, а уже в субботу вечером начинаем читать молитвы на сон грядущим, при этом до праздника Вознесения вместо молитвы "Царю Небесный" трижды читаем “Христос воскресе из мертвых…” вместо "Честнейшую херувим...
" читаем "Ангел вопияше..."
ЧАСЫ СВЯТОЙ ПАСХИ.
Молитвами святых отец наших, Господи Иисусе Христе, Боже наш, помилуй нас. Аминь.
Христос воскресе из мертвых, смертию смерть поправ, и сущим во гробех живот даровав. (Трижды)
Воскресение Христово видевше, поклонимся святому Господу Иисусу, Единому безгрешному. Кресту Твоему покланяемся, Христе, и святое воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову воскресению: се бо прииде Крестом радость всему миру. Всегда благословяще Господа, поем воскресение Его: распятие бо претерпев, смертию смерть разруши. (Трижды)
Ипакои, глас 8-й
Предварившия утро яже о Марии, и обретшия камень отвален от гроба, слышаху от ангела: во свете присносущнем Сущаго, с мертвыми что ищете яко человека? Видите гробныя пелены, тецыте и миру проповедите, яко воста Господь, умертвивый смерть, яко есть Сын Бога, спасающаго род человеческий.
Кондак, глас 8-й
Аще и во гроб снизшел еси, Безсмертне, но адову разрушил еси силу, и воскресл еси яко победитель, Христе Боже, женам мироносицам вещавый: радуйтеся, и Твоим апостолом мир даруяй, падшим подаяй воскресение.
Тропари, глас 8-й
Во гробе плотски, во аде же с душею яко Бог, в раи же с разбойником, и на престоле был еси, Христе, со Отцем и Духом, вся исполняяй, Неописанный.
Слава Отцу и Сыну и Святому Духу.
Яко живоносец, яко рая краснейший, воистинну и чертога всякаго царскаго показася светлейший, Христе, гроб Твой, источник нашего воскресения.
И ныне и присно и во веки веков. Аминь.
Вышняго освященное Божественное селение, радуйся: Тобою бо дадеся радость, Богородице, зовущим: благословенна Ты в женах еси, всенепорочная Владычице.
Господи, помилуй. (40 раз)
Слава Отцу и Сыну и Святому Духу, и ныне и присно, и во веки веков, аминь.
Честнейшую херувим и славнейшую без сравнения серафим, без истления Бога Слова рождшую, сущую Богородицу Тя величаем.
Христос воскресе из мертвых, смертию смерть поправ, и сущим во гробех живот даровав. (Трижды)
Слава Отцу и Сыну и Святому Духу, и ныне и присно, и во веки веков, аминь.
Господи, помилуй. Благослови (Трижды)
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.
Следующая публикация
Нет комментариев