Предыдущая публикация
КУЛОН ПОТОН
Кулон потон шуо ми палан. Кытын-отын кулэм потон шуо. Озьы но , тазьы но шонер дыр…
КУЛОН ПОТОН
Кулон Потон удмуртъёслэн одӥгез, туж силы карон праздниксы. Калык верамя кулон потон жыт вань кулэмъёс доразы пе берто. Туж но кышкастэмёс, уйшор-уин ,сиесэз мыдлань чыртыязы поныса гурлэн ӵын потонтӥз учкылиллям. Соос вераллям ини- кулэмъёс радэн-раден пе берто.
Милям чужаймы-Ишкузина Менлафа, Чиндэр гуртӥсь, шуоз вал-Кулон Потон со кулэмъёслэн Быдӟыналзы. Анаймы но, Галиханова Мингавар ӵем вералляз, тодэ вайытяз анаезлэсь кылъёссэ. Соин со нуналлы туж тыршыса дасяськоно. Корка пушез-вӧлдэтэз, укноосыз, выжэз миськоно. Муръёез бурано. Корка котырез, юрт котырез тазартоно, утялтоно. Жытпал куинь пол кортэн но котыртоно. Корт кенерен андан кенерен котыртӥсько дышмонлэсь, ишанёслэсь и тд. Писпу ваёс тыроно (нылпулэсь, палэзьпулэсь, сысыпулэсь но мукет) ӧсёсы, укнодыръёсы, гидкуаосы но мукет. Жытаз мунчо пыроно, яке душын, ваннаын мисьтаськоно. Кин берло потэ солы тазьы верано, мунчо гуре ву пазьгыса- тӥ но пылаське, тӥледлы пӧсез милемлы мунчоез . Кобыен ву но веньык пуктыса кельтоно. Кулон Потон нунал таосыз куштоно ӧвӧл, ваньзэ но жуатоно. Уйбыт, писпу ваёсы вань люкаськем амалаосыз ӵукна ик азбар шорын тылскыса, тылэн сутоно. Тыл вылтӥ тэтчано. Чеперык арӥсь лыктэм ар нунал таза кар чылкыт кар шуыса куиньпол тыл вылтӥ тэтчоно
Кулон Потон нунал пӧрано, таба зын поттоно. Пыжоно табань, перепечь, когылиос- тырлы начинкаосын но мукет. Кулэмъёсыз туж ӟеч сектано пе. Курдаса -ранӟыса медаз кошкелэ Собере, ӵуказе бере, вань кылем вуосыз кисьтано, выжзэ но лапчазэ но миськоно, мунчо пырем веньыкез но куштоно, яке пудолы сюдоно. Нянь шумесъёсыз миськоно. Вань пыжем –пӧрамёс Быдӟыналеэ медаз кыле, ваньзэ сиыса быдтоно, яке пудолы сюдоно.
Следующая публикация
Комментарии 22