Предыдущая публикация
Кадрия Фәтыхова
Гел тырмадан торган юлларымда,
Тырышамын алга атларга.
Тырмалардан барсам барырмын да,
Тик үземне бирмәм таптарга.
Адым саен ялгыш, әллә язмыш...
Тырмаларны шулай тезгәнме?
Бирешмәсне әллә минем белеп,
Шундый сынауларны биргәнме?
Яңа тырма, башка яңа сызлау...
Аяк басар җир дә калмаган.
Сызланулар белән тулы тормыш,
Бармы икән шуны аңлаган?
"Анда басма, монда бас!"-диләр дә,
Тагын тырмаларга төртәләр.
Сызлауларга дәва дигән булып,
Яраларга борыч сөртәләр!
Кемдер көтә минем бирешүне,
Өмет итә минем күз яшен.
Яшьләремне йотып тырмаларның,
Бөкли барам очлы һәр тешен.
Присоединяйтесь к ОК, чтобы посмотреть больше фото, видео и найти новых друзей.
Нет комментариев