🥀
Одамларнинг ҳолатлари ва ўзим яшаётган жамиятнинг воқелигидан хабардор бўлиш учун ҳар-ҳар замонда одамлар ичига аралашиб туришни ёқтираман. Бир сафар Маккадан Жиддагача бир таксига ўтирдим. Ҳайдовчи олтмиш ёшлардан ошган саудиялик киши экан. У нафақага чиққач, такси сотиб олиб, оиласининг эҳтиёжлари учун тирикчилик қилар экан. Унинг молиявий ва ижтимоий аҳволи борасида сўрай бошладим. У ҳам табиатидан келиб чиқиб гапни Аллоҳга ҳамд айтиш ва унга такрор ва такрор шукр қилишдан бошлади. Кейин кунлик харажатларини ўша куннинг ўзида ишлаб топишини, тонг отгандан кун ботгунча меҳнат қилишини айтди. Шунда оиласининг бир кунлик егулик, ичкилигини ишлаб топар, аср намозидан кейин бироз гўшт ва мевалар олиб, уйига қайтар экан. У: “Кечанинг дастлабки қисмида оила аъзоларим билан роҳат ва хотиржамликда суҳбатлашиб ўтирамиз. Бу ишим мени ғам, алам ва сиқилмаслигимни таъминлайди. Ҳаётим қотиб қолган эмас. Бахт ҳаётимни тўлдирган. Машинамга олим ҳам, жоҳил ҳам, юмшоқ ҳам, баджаҳл ҳам чиқади. Улардан турфа гаплар эшитаман. Улар менинг чарчоғимни, ғам-андуҳимни аритади. Аллоҳ таолонинг мавжудотлари, бандалари борасида фикр юритаман, ўйлайман, жисмоний ҳаракат қиламан. Сўнг иштиёқ билан оилам бағрига қайтаман. Пешона терим билан ризқимни тераман. Мана шуниси менга яхшироқ ва ёқимлироқдир...” деди. Бу кишининг ҳолати кўз ўнгимдан кетмайди. У менга Аллоҳдан рози, У Зот ўзига бергани ва тақсимлаган ризқига қаноат қилган кўйи менга табассум билан қараган эди. Сўнг хаёлимга миллиардлаб риёл маблағ жамғарган, аммо турли дорилар, тинчлантирувчи воситалар билан даволаниб юрган кишиларни эсладим. Шуни англадимки, гап маблағнинг кўп ёки камлигида эмас, гап розилик, сакинат, хотиржамлик ва Аллоҳ таоло берганига қаноат қилиш ҳамда оз бўлса-да ҳалол луқма билан ҳаёт кечиришда экан. Гоҳида оз нарса ҳам буюради, ҳазм бўлади, ичингизга тушади. Баъзан эса кўп нарса чарчатади, умидсизлик ва ғамга ботиради. Берувчи Зотнинг ато этганига рози бўлинг, Унинг тортиқ этганига шукр айтинг.
“Ниҳоят саодатни топдим“ китобидан.
♻️Бошқаларга ҳам юборинг!
Улашувчи ҳам амал қилганлик савобини олади, Ин Ша Аллоҳ!🤲🏻
Присоединяйтесь к ОК, чтобы посмотреть больше фото, видео и найти новых друзей.
Нет комментариев