Смаргонскі райвыканкам сваім рашэннем яшчэ ў 2011 годзе выдзеліў недзяржаўнаму сектару толькі два сталых месцы для правядзення масавых мерапрыемстваў (мітынгаў, сходаў і г.д.): дэндра-сад пры ўваходзе ў ДОСы, а таксама сквер па вул.Сініцкага, ля школы №5.
Пры гэтым адзначыў, што на масавыя мерапрыемствы, якія праводзяць дзяржаўныя органы, гэта абмежаванне не распаўсюджваецца. То бок, яны могуць праводзіць іх у любыі месцы, якое спадабаецца.
З нагоды дыскрымінацыі тых, хто не мае дачынення да ўлады, я звярнуўся ў райвыканкам. У звароце адзначыў неадпаведнасць рашэння Міжнароднаму пакту аб грамадзянскіх і палітычных правах, які гарантуе свабоду сходаў і выказвання думкі. Таму патрабаваў прывесці сваё рашэнне ў адпаведнасць з Пактам.
У адказе райвыканкам паведаміў, што зробіць карэктыроўкі новым рашэннем, якое прыняў трошкі пазней, у красавіку.
Але мае чаканні не апраўдаліся. Пытанне ліквідацыі дыскрымінацыі ўвогуле астаўлена без увагі. А што зроблена? Выдзелена яшчэ адно бязлюднае, мала наведваемае месца для масавых мерапрыемстваў: пляцоўка ля мемарыяла, прысвечанага Першай сусветнай вайне, што месціцца на рагу вуліц Іванова і Камінскага.
Зразумела, голас пратэстоўца супраць, напрыклад, шалёнага росту коштаў і ў новым месцы ніхто не пачуе.
Вось такі аспект сённяшняй дэмакратыі.
Присоединяйтесь к ОК, чтобы посмотреть больше фото, видео и найти новых друзей.
Нет комментариев