Қаттиқ нон бўлса ҳам четга олиб куй.
Сенданда ночорлар бисёр билиб куй,
Айт! Бундан ёмонроқ бўлиши мумкин.
Минг ёмоқ бўлса ҳам устингда тунинг,
Демагин отанга киймайман бунинг.
Борига шукур деб индамай кўнинг,
Айт! Бундан ёмонроқ бўлиши мумкин.
Ташвишинг кўпайиб бораверса хам,
Синовлар устма уст келаверса ҳам.
Баъзилар ғийбатинг қилаверса ҳам,
Айт! Бундан ёмонроқ бўлиши мумкин.
Бир куни мансабдан айрилиб колсанг,
Маломат тошини кўтариб юрсанг.
Айбсиз айбдор сен бўлиб турсанг,
Айт! Бундан ёмонроқ бўлиши мумкин.
Омадим юз буриб кетди деб айтма,
Бошлаган ишингдан ҳечқачон кайтма.
Душмандан сира ҳам яхшилик кутма,
Айт! Бундан ёмонроқ бўлиши мумкин.
Ногоҳон номардлар отганида тош,
Оқизма ҳеч қачон кўзларингда ёш.
Топилмай қолганда ёнингда сирдош,
Айт! Бундан ёмонроқ бўлиши мумкин.
Дўстларинг дилинга озор берса ҳам,
Севганинг бир куни ташлаб кетса хам.
Устингдан кулишиб тошлар отса хам,
Айт! Бундан ёмонроқ бўлиши мумкин.
Ухлолмай ёстиғинг қучоқлаб чиксанг,
Аламдан дардларинг ашъорга битсанг.
Бевафо дунёдан дод солиб ўтсанг,
Айт! Бундан ёмонроқ бўлиши мумкин.Хусанбой
Присоединяйтесь к ОК, чтобы посмотреть больше фото, видео и найти новых друзей.
Комментарии 4