Предыдущая публикация
Әрвахларга дога кылу тәртибе
Бер мәртә "Фатиха" сүрәсен, 3 мәртәбә "Ихлас" сүрәсен укыгач түбәндәге доганы кылабыз.
Бисмилләәһир-рахмәәнир-рахииим. Ий, Раббым! Үзеңнең ризалыгың өчен ошбу Коръән аятьләрен укудагы хата-кимчелекләребезне гафу итеп, Үзеңнең киң рәхмәтең белән кабул ит. Хасил булган әҗер-савапларын - иң элек барча галәмгә рәхмәт өчен җибәрелгән Пәйгамбәребез Мөхәммәд Мостафа салләллаһу галәйһи вә сәлләмнең һәм аның гаиләсенең рух шәрифләренә ирештерсәң иде.
Атабыз Адәм белән анабыз Һәваның рух шәрифләренә ирештерсәң иде. Шулай ук атабыз Адәм галәйһиссәламнән алып, Мөхәммәд галәйһиссәламгә кадәр җир йөзенә килеп киткән барча пәйгамбәрләрнең, габидләрнең, заһидләрнең, остазларыбызның, мөэмин-мөэминә булып үткән барча әти-әни, әби-бабаларыбызның рух шәрифләренә ирештерсәң иде. Газиз әнкәемнең, газиз әткәемнең, кадерле каенанам белән каенатамның рух шәрифләренә ирештерсәң иде. Кадерле кыз туганнарым һәм ир туганнарымның рух шәрифләренә ирештерсәң иде. Өсләребездә хаклары булган, гайбәтләренә төшкән әрвахларның рух шәрифләренә ирештерсәң иде. Раббым, аларның рухларын шат кылып, гөнаһларын ярлыкасаң иде. Амин. Раббым, Үзеңнең рәхмәтең белән гөнаһларыбызны ярлыка, дөньяда һәм ахирәттә изге максатларыбызга ирешергә насыйп ит. Раббым, дөньяда яшәгән вакытыбызда бәндәләргә мохтаҗ кылма. Тәннәребезгә - сәламәтлек, җаннарыбызга тынычлык бир. Калеб һәм маңгай күзләребезне ач. Башларыбызга зирәк зиһен, үткен фикер, камил гакыл, күркәм холык, йомшак фигыль, тулы иман бир. Дөньяда яшәгәндә гамәл-гыйбадәт, хәер-ихсан белән яшәп, үлем вакытларыбызда ансат үлем бир. Әманәт җаннарыбызны биргәндә, җәннәтеңне күреп, ансат кына тапшырырга насыйп ит. Кабергә барып кергәндә, рәхмәт фәрештәләрең каршылап, сорау-җавапларыбызны да җиңел бирергә һәм җәннәтләреңә дә керергә насыйп ит. Раббәнәә әәтинә фид-д дүньйәә хәсәнәтәү-үә фил-әәхыйрати хәсәнәтәү-үә кыйнәә газәбән-нәәр, вәхшәрнә йәүмил кыямәти, бирахмәтикә йәә әрхамәр-раахимиин. Амин.
Бисмилләәһир-рахмәәнир-рахииим. Ий, Раббым! Үзеңнең ризалыгың өчен ошбу Коръән аятьләрен укудагы хата-кимчелекләребезне гафу итеп, Үзеңнең киң рәхмәтең белән кабул ит. Хасил булган әҗер-савапларын - иң элек барча галәмгә рәх...
shahrikazan.com
Следующая публикация
Комментарии 52
ЗУР РЯХМЯТ
Әгүүзү биЛләәһи минәш-шәйтаанир-раҗииим! БисмиЛләәһир-Рахмәәнир-Рахииим! Әлхәмдү лиЛләәһи раббил-гааләмииин. Үәс-саләәтү үәс-сәләәмү галәә расүүлинә Мүхәммәдин үә галәә әәлиһи үә әсхабиһи әҗмәгыйн!
Догабызны Пәйгамбәребезгә(ﷺ) салауат белән һәм АЛЛАҺ Тәгаләгә хәмед-сәнә белән тәмамлау дөрес булыр, ин шәә АЛЛААҺ!
Раббәнәәә әтинәә фиддүнйәә хәсәнәтәүү үә фил әхыйрати хәсәнәтәүү үә кыйнәә гәзәәбән-нәәәр. Үә саллАллааһү галә Мүхәммәд үә галә әлиһи үә сахбихи үәс-сәлләм. Үә әхыйру дугаи әнил-хәмдү лиЛләәһи Раббил-гааләмиин. Бирахмәтикә йәә әрхәмәр-раахимиин! Әәмииин!