Предыдущая публикация
АЛДР ДИИЛВР
Дөрвн җилин туршарт
Һалвта дән дәрвклә.
Деермчүд нутгим дәврҗ,
Һартан орулхар седлә.
Өрүн дөрвн часла
Өршәңһү уга хортн
Өмнәснь зәңглл угаһар,
Хулхаһар , ичртә кевәр
Хара бәәсн нутгиг ,
Нөөртән авлгдсн әмтиг,
Нүл уга унтсн күүкдиг
Өтрҗ , дәврҗ дәәлсмн.
Өмнәснь чидлән негдүлн,
Баһ , ик - цуһарн,
Бу бәрҗ чаддгарн
Советин орна әмтн
Сүртә кевәр босла,
Төрскн һазран харсла,
Тахшҗ дәәнд батрла.
Һалзу кишго хортыг
Һавшун кевәр күүчҗ,
Һә нүкнднь орулҗ ,
Алдр диилвр бәрҗ,
Авта нутган сулдхла !
Диилврин үннь ик :
Дала сай әмтн
Дәәнд әмәрн шордла,
Дүмбр нутган сулдхад,
Дәәнә әминь таслла !
Туурмҗнь бичә мартгдтха ,
Төвкнүн җирһл делгртхә !
Диилврин аһу чинриг
Делкә бичә марттха !
Арсинова Надежда
09.05.23җ.
Следующая публикация
Нет комментариев