«З куфра беларускіх скарбаў» - пад такой назвай 3 ліпеня 2020 года на тэрыторыі гарадзенскага маёнтка «Каробчыцы» адбудзецца выстава, арганізаваная адзелам этнаграфіі, фальклору і рамёстваў Гродзенскага раённага культурна-інфармацыйнага цэнтра. Выстава пройдзе ў рамках канцэртна-забаўляльнай праграмы «Мир тебе, моя Беларусь» і прысвечана Дню Незалежнасці Рэспублікі Беларусь.
З беларускага куфра дасталі сапраўдныя шэдэўры традыцыйных мастацкіх тканін - прыгожыя ручнікі. Пераканацца ў гэтым зможа кожны наведвальнік, дакрануўшыся да адмысловых калекцый ручнікоў, сабраных работнікамі культуры Гродзенскага раёна ў музеі беларускага рушніка “Мелодыя рушніка” у в.Зарачанка.
Галоўным экспанатам выставы будзе выбітны, непаўторны дваццацімятровы ручнік – РУЧНІК МАЛОЙ РАДЗІМЫ.
17 частак, вышытых рукамі майстроў Гродзенскага раёна, 15 «неафіцыйных» гербаў нашых населеных пунктаў, злучыліся ў 20 метрах гісторыі лёгкімі, прыгожымі карункамі. У адным незвычайным, хоць і традыцыйным вырабе, сустрэліся сапоцкінская пісанка, адэльскі млын, герб горада Скідзеля, сядзіба Марты Красінскай і не толькі.
Надзіва прыгожыя, па-свойму непаўторныя, ручнікі маюць сваю гісторыю…..яе вам раскажа Наталля Кавалькова, майстар Адэльскага цэнтра культуры і народнай творчасці. Дарэчы, ўнікальны ручнік з назвай музея “Мелодыя ручніка”, які ўзвышаецца на цэнтральным месцы ў музеі, як і ручнік аг.Адэльск – справа залатых рук Наталлі Мікалаеўны.
Вельмі радасна, што традыцыі нашых продкаў захаваліся і мы маем цудоўную магчымасць пабачыць на свае вочы прыгажосць працы чалавечых рук. Прыходзьце на выставу – не пашкадуеце.
Присоединяйтесь к ОК, чтобы посмотреть больше фото, видео и найти новых друзей.
Нет комментариев