Предыдущая публикация
Г О Р Т
Авторыс: Раиса Яковкина
Деревня вӧр шӧрын сулалӧ,
Важ керку пӧрисьмӧм, суналӧ,
И татӧн оз ни ов некин,
Уннялӧ матын лёк кӧин.
Кӧр тӧдвылӧ уськӧтан, морт,
Что эм кытӧнкӧ тэнат горт?
Тэ эстӧн луд вылӧт котрасин,
Кӧр быдмин, нывкакӧт пантасин.
И гортын сказкаын кыдз олін,
Аймамлӧ, воннэтлӧ тэ колін,
Шорокись юин сӧстӧм васӧ,
Ветлӧтін тшакла, гажа расӧ.
Гажӧтіс сьӧлӧм чача - син,
А ӧні оз ни ов некин.
Дӧс йӧзыс муніс карӧ овны,
Эз понды нылӧ гортныс ковны.
Сё горзӧ, горзӧ керкуокыс,
И тырӧ вӧрӧн быд ыбокыс.
Следующая публикация
Нет комментариев