Предыдущая публикация
ТАТАРНЫНЪ НЕСИЛИ НОГЪАЙДЫР
Ногъай, ногъай дейсинъиз,
Ногъай ким сиз бильмейсиз,
Бильмесенъиз, соранъыз,
Тарихны ачып къаранъыз!
Байрам Али эфенди
Рушдиеде дерс берди,
Ногъай татар ким дегенде,
О бизлерге шай деди.
Янълышманъыз, балалар,
Къырымда бардыр бир татар,
Асылынен бар ногъайлар,
Къалгъаны бузма урумлар.
Къырым ханлары баш Гирей,
Орды баши Тогъай бей,
Халкъ къараманы о Тогъай,
Шубе ёкътыр, о ногъай.
Мисаль ичюн алайыкъ,
Эдебиятта корюле пек ачыкъ,
Бизим шаир, языджылар,
Тешкеринъиз, эпси ногъай.
Мешур шаир дегенде,
Бар бизде Эшреф-Шемьи-заде,
О, эльбетте, ногъай огълы,
Чюнки Кезлевде догъды.
Кене Кезлев уездинде
Шаир олгъан Нузет деген,
О ногъайны пек севген,
Озюм ногъайым дер экен.
Кезлевли Ашыкъ Умер
Озь халкъына олгъан унер,
Дестан язганъ джан муаббет,
О да ногъай, сёз ёкъ эльбет.
Ор къапылы Черкез Асан,
Къыркъ бинь къадар шиир язгъан,
Озь миллети тарафындан
Эдебий нам къазангъан.
Алайыкъ Фета Акъкъыйны,
Ички районы Аблешли,
Ички районы ногъайлыкъ,
Тёгерек чети тогъайлыкъ.
Энди кельдикъ Зиядинге
Тувгъан кою Джавтёбе,
Бабасы олгъан Меннази,
Ногъай огълы, шубесиз.
Ойсул койлю Эшмырза,
Халкъ акъкъында йыр язгъан,
Халкълар оны йырлагъан,
Йыр ногъайча язылгъан.
Джавтёбе кою Ойсул кою,
Чёль ичинде Керчь ёлу,
Ногъай мында ат ойнаткъан,
Сюрю-сюрю мал отлаткъан,
Къырымны отьмекке толдургъан,
Билип къалынъыз, ногъай болгъан,
Къалгъанлары чайкъавджылар,
Базиргянлар, татлар, урумлар.
Мен ногъай дегилим дегенлер,
Озю ким болгъаныны бильмейлер,
Озь миллетини севмейлер,
Озьлерин бир немеет этелер.
Бир айткъанда «варам» дейлер,
Экинджи айткъанда «барам» дейлер,
О да янълыш, бу да янълыш,
Шашмалагъан бу байгъуш.
Озь несилин бильмегенлер
Ногъай, ногъай деп джюрелер.
Бабасын, дедесин танымай.
Кыбласын, сыртын айырмай.
Мен беллесем, анълашылды,
Ногъайнынъ ким олгъаны,
Билип къалынъыз, бу шайдыр,
Татарнынъ несили ногъайдыр!
Следующая публикация
Нет комментариев