Кармілі дранікамі, пірагамі з грыбамі, паілі паўстанцкімі настойкамі. Гасьцям раздалі маркеры, каб напісалі на сьценах, што пажадаюць. Кожны і пісаў, што думае: «Беларусь будзе вольнай», «Жыве Беларусь», «Размаўляйце па-беларуску» — ніякай цэнзуры.
Вядучы, Антон Мартыненка, міксаваў беларускую і расейскую мовы, сам выбачаўся, што ня можа, але гасьцей заклікаў гаварыць па-беларуску. Таксама заклікаў купляць майкі з надпісам — «Каліноўскі» і «1863», дапіваць настойкі і рыхтавацца браць Смаленск. Уласьнік бара Аляксей Славута падзякаваў усім, хто прыйшаў на адкрыцьцё, бо, як пасьля сказаў вядучы,«канкураваць з танкамі складана» (маецца на ўвазе парад, які супаў па часе).
Тых, хто параўноўваў Kalinouski з Крыіўкай — мушу расчараваць. Гэта досыць глямурнае месца для багатай і пераборлівай аўдыторыі Зыбіцкай. Ці магло быць іначай? Але і нам даўно пара зразумець, што Беларускае — гэта ня толькі лапці, дранікі і вышыванкі. Беларускае можа быць глямурным, гіпстэрскім, папсовым. Беларускае можа быць масавым. Можа быць высокаякасным, а можа быць афіцыёзным шлакам. Асабіста мяне не раздражняе, калі модныя інстаграмеркі, мадэлькі і бізнэсоўцы з барсеткамі выпіваюць кактэйлі на фоне тэкстаў «Мужыцкай праўды».
Дзякуючы такім месцам, беларускае пранікае ва ўсе слаі грамадзтва і становіцца НОРМАЙ.
Мяне прыемна ўразілі заснавальнікі — Аляксей і Анастасія Славута. Яны кажуць, што будзе больш беларускай мовы, і задача — зрабіць бар для ўсіх. Аляксей кажа, што хоча рабіць гістарычныя квэсты для дзяцей, конкурсы ў інстаграме па матывах "Мужыцкай праўды", стаць барам для ўсіх. Цікава, што ў яго быў плян «Б», на выпадак, калі б па нейкай прычыне назву «Каліноўскі» не дазволілі. Тады бар называўся б «Касьцюшка». Але ўпэўнены, у Касьцюшкі яшчэ ўсё наперадзе.
Присоединяйтесь к ОК, чтобы посмотреть больше фото, видео и найти новых друзей.
Комментарии 3