Улёткі, газэткі, подпісы не далі столькі толку, колькі незвычайны пэрфоманс. Насупраць цэнтральнай кнігарні і КДБ, а 12-ай пачалі зьбірацца маладыя людзі. У іх руках – рэпрадукцыі партрэтаў Скарыны. Неўзабаве выходзяць два “скарыны” ў чорных мантыях, бярэтах, зь Бібліяй у руках. Пачынаецца дэкаратыўны мітынг. Раптам выскокваюць маладыя хлопцы, ў камуфляжных майках-шортах, з цацачнымі пісталетамі-аўтаматамі. “Амапаўцы” пачынаюць лупіць “народ”, а “скарынам” адзяюць наручнікі і вядуць па праспэкце. Шэсьце справядлівасьці. .
На гэты раз пад’яжджае ўжо сапраўдны аўтазак, і ўсіх, “скарынаў”, у тым ліку мяне, і людзей з партрэтамі забіраюць. Апроч нашых “амапаўцаў”. З цацачнымі аўтаматамі. Прынялі за сваіх.
.
Іншым разам мы прайшлі па праспэкце Скарыны да плошчы Якуба Коласа, несучы ў руках кветкі і партрэты беларускага першадрукара. Спыніла калёну міліцыя. Калі афіцэр па рацыі прадыктаваў кіраўніцтву поўны зьмест подпісу пад партрэтам Скарыны «Панежа ад прыражэньня зьвяры знаюць ямы свае…» на старабеларускай мове і запытаўся, што рабіць з затрыманымі, з рацыі прагучала: «Брава! Пажадайце ім удачы!»
.
REUTERS/Vasily Fedosenko VF/AA
Присоединяйтесь к ОК, чтобы посмотреть больше фото, видео и найти новых друзей.
Комментарии 9