Юзга ҳеч йўқ ҳаё ўрайлик!
Тилласи кўп тили бузуқлар,
Навоийдан узр сўрайлик!
Лайлиман деб тан сотган қизлар,
Неча сохта Фарҳод - беюзлар,
Вафо қадрин ўлдирдик бизлар,
Навоийдан узр сўрайлик!
Боласини бўққан оналар,
Эй никохсиз туққан оналар,
Кўпаймоқда етимхоналар,
Навоийдан узр сўрайлик!
Хокимтўра тўқир эртаклар,
Ёш бола ҳам билиб эрмаклар,
Атлас кўйлак кийган эркаклар,
Навоийдан узр сўрайлик!
Ўз халқини талаб юрганлар,
Қаппайганин силаб юрганлар,
Еб тўймасдан ялаб юрганлар,
Навоийдан узр сўрайлик!
Пулга ҳукм қилган қозилар,
Мискинларни қопган тозилар,
Қалбида йўқ тўппа ҳожилар,
Навоийдан узр сўрайлик!
Майхонани маскан қилганлар,
Виждонини яксон қилганлар,
Шогирдини жазман қилганлар,
Навоийдан узр сўрайлик!
Сархуш бўлиб дуо ўқирлар,
Жигарини кўзин чўқирлар,
Кўзи ялдо, кўнгли сўқирлар,
Навоийдан узр сўрайлик!
Қадрин билмай бобом деганлар,
Фардин билмай бобом деганлар,
Ҳаддин билмай бобом деганлар,
Навоийдан узр сўрайлик!
Билиб - билмай дерларинг учун,
Чизиб қолган ерларинг учун,
Мирзо чала шеърларинг учун,
Навоийдан узр сурайлик.
Присоединяйтесь к ОК, чтобы посмотреть больше фото, видео и найти новых друзей.
Нет комментариев