Предыдущая публикация
Азалшо пахлавонард.
Бадахшони,дичат нумат нихьун нист !
Таърих бурҷти якчанд нӯмен цахэйдум,
Азалшо Олимов дӯнд вьев мийӯн нист.
Ҷаҳӯн медӯни зохьт аз нӯми миллат,
Ху давлат хез диҷат йаст нозийӯн нист.
Аммо арцӯнд ту нӯм ҷойен мис аз маш,
Туят йивать ,машанд аз ту дьийӯн нист.
Якен се ё ду мис цачуҷ баҷандум,
На шич якум ту нӯм, на охирӯн нист.
Фана нӯменти сит редьҷ аз қадимать,
Диҷат машанд ту дастур чемпиӯн нист.
Виродвьор уз ту васфанд шэрум эҷод,
Ачать фарқ нист ту зодго аз Хьицӯн нист.
Ту ҷой ҷаннат дарун, э марди медӯн,
Ху йеданд хьо ичинд шак ат гумӯн нист.
Диранг хизмат, диранг номус, диранг мард,
Бадахшӯни, диҷат нӯмат нихьӯн нист.
Фаромуз Ақдод 23-08-19.Тверь
Следующая публикация
Комментарии 49