Предыдущая публикация
Үҙ яйыма көйләйем
Китеп барам һөйрәтеп
Тормош тигән арбамды,
Үҙ көйҙәремде көйләйем,
Белеп кенә самамды.
Кешенекенә ултырып,
Ят көйҙәрҙе көйләмәм.
Нисек булһа ла үҙ арбам
Барлығына һөйөнәм.
Һикәлтәләр аша үтһәм,
Тырышам аунамаҫҡа.
Үткел-батҡыл урындарҙа
Яйын табам батмаҫҡа.
Яйлап алға тәгәрләйҙәр,
Ғүмер тәгәрмәстәрем.
Берәм-һәрәм уҙа барам
Тормош мәшәҡәттәрен.
Йондоҙҙарға үрелмәйем,
Ҡул етмәҫтер күктәргә,
Булғанына шөкөр итәм,
Ышанам өмөттәргә.
Тыныс ҡына ,һәүетемсә
Үҙ һуҡмағымды үтәм.
Үҙемдең көйҙө көйләйем,
Кәрәкмәй миңә бүтән.
Сәүиә Закирова.
Присоединяйтесь к ОК, чтобы посмотреть больше фото, видео и найти новых друзей.
Комментарии 1