Па стане на 14 траўня гэтыя супрацьпажарныя меры прадпрынятыя ў 11 раёнах з 21.
Абмежаванне на наведванне лясоў увялі: Верхнядзвінскі, Глыбоцкі, Гарадоцкі, Докшыцкі, Лепельскі, Полацкі, Пастаўскі, Расонскі, Сенненскі, Чашніцкі і Шаркоўшчынскі раёны.
Падчас дзеяння абмежаванняў забаронена праязджаць па лясных масівах на механічным транспарце, аднак хадзіць у лес усё яшчэ можна.
Пры гэтым трэба памятаць, што развядзенне вогнішчаў забаронена ў іглічных лясах, маладых насаджэннях, пашкоджаных участках, тарфянішчах, а таксама непачышчаных ад парубачных рэштак і нарыхтаванай драўніны месцах. Таксама варта пазбягаць месцаў з падсохлай травой, каб не выклікаць узгаранне. Неабходна быць уважлівымі і не пакідаць у лесе рэчывы, якія насычаныя гаручымі матэрыяламі, бо гэта можа прывесці да самазагарання.
Нет комментариев