На памяць пра зняволенне Ісуса ў гэты вечар святар пераносіць Найсвяцейшы Сакрамант у іншы табернакулюм, так званую "цямніцу".
Памятайма ў гэтыя вечар і ноч пра тых нашых братоў і сясцёр, якія жылі і дзейнічалі па Хрыстовым вучэнні і якіх трымаюць цяпер у турмах Рэспублікі Беларусь. Пра Паўла Севярынца, Зьмітра Дашкевіча, Вольгу Залатар, Эдуарда Пальчыса, Аксану Ючкавіч, Яўгена Батуру, Сяргея Мельянца, ксяндза Генрыка Акалатовіча і іншых, хто ў гэтыя дні канечне ж, па-свойму ў турэмных умовах адзначаюць Пасхальны Трыдыум. Памятаем пра шматлікіх "хатніх хімікаў", якія пад пагрозай арышту не маюць права пайсці ў святыню на набажэнствы.
А заўтра, у Вялікую Пятніцу, у кожным касцёле святар будзе маліцца, сярод іншага: "Молімся да Бога Айца Усемагутнага, каб [...] адчыніў вязніцы, разарваў кайданы..." Тысячы беларусаў будуць слухаць гэтую малітву са слязьмі на вачах, бо здаецца, у кожнага цяпер хтосьці са знаёмых ці сваякоў сядзіць у турме.
Памятайма ў гэтыя вечар і ноч пра яшчэ большы лік хрысціянаў у свеце, у розных дыктатурах Азіі і Афрыкі, якія зняволеныя за тое, што казалі і рабілі тое, чаму вучыць Хрыстос. У многіх такіх краінах у дні велікодных святаў мусульманскія тэрарысты робяць напады на хрысціянскія святыні і забіваюць вернікаў. Хай Бог дасць Неба гэтым мучанікам.
На ілюстрацыі: Набажэнства ў Вялікі Чацвер у Будславе. Вернікі моляцца перад Найсвяцейшым Сакрамантам у табернакулюме-"цямніцы". Скрыншот з Budslau/YouTube.
Присоединяйтесь к ОК, чтобы посмотреть больше фото, видео и найти новых друзей.
Нет комментариев