Предыдущая публикация
Кыска өмүр таарыныч- өксүк менен өтпөсүн
Таң эми гана аткан сыяктуу эле , карасам кечки сегиз болуптур.
Дүйшөнбү деп туруп жатат элек,бүгүн жума болуп калыптыр.
... ушундай ай өттү.
...ушундай жыл өттү.
... ушундай 30,40, жана 50 жылдык өмүрүбүз зуулдап өтүп кетиптир.
...карасак жаныбыздагы кээ бирөөбүздүн ата-энеси,Жан досторумдун кээ бири жок.
Кайра артка кайтууга кеч экенин түшүнөбүз.
Ушундай...
Эми калган убакытты мээримдүү ,кайрымдуу кылып өткөрөлүк.
Өзүңө жаккан тиргиликти жасоодон уялба.
Боз көйнөгүңө кызыл алка тагуудан тартынба.
Жүрөктү ыйлата турган ушак-тешектерге жылуу жылмаюу менен жооп берип үйрөн!
Уучубуздан муздап кала элек убактыбыздын кадырын билейлик.
"Кийин" деген сөздөн кутулуп көрөлүчү!
Мен муну "кийин" кылам ...
"Кийин" айтаармын...
"Кийин" ойлоноормун...
Орчундуу иштердин баарын кийинкиге калтыра беребиз.
"Кийин" ошол нерсенин баары биздин энчибизге буюраар-буюрбасын ойлобойбуз...
Себеби эң орчундуу нерсени түшүнүгүбүз келбейт.
Кийин...
Кийин - чай муздап калат...
Кийин - күндөлүк нерселер өзгөрүп кетет...
Кийин- жыл аяктайт...
Кийин- ден-соолук начарлайт...
Кийин - балдар чоңоюп кетет...
Кийин - убада унутулат...
Кийин- күн түнгө уланат...
Кийин - өмүр өтүп кетет...
Кийин дайыма кеч калып келебиз.
Ошондуктан...эч нерсени кийинкиге калтырба, себеби "кийинкини" күтүп жүрүп жашоонун эң соонун жадыраган саатарын өткөзүп жиберип алышыңыз мүмкүн!
Бир бооруңдан же досуңдан айрылып каласың,жандай сүйгөн адамың кайрылбай кетип калышы мүмкүн!
Өкүнгөн менен убакытты кайра кайтара албайсың...
Эң жакшы тиргилигиңди,
Эң жакын бир бооруңду.
Эң жакын досуңду.
Уй-бүлөңдү,
Бүгүнкү күнүңдү.
Ушул саатты өткөрүп жоготуп аласың.
Азыр бүтүрүүгө тийиштүү жумушту эртеңкиге калтыра турган жашта эмеспиз.
Ошондуктан бул катты окуп жатсаң дароо башкалар менен бөлүшүүгө убакыт таап.
Же муну да кийинкиге калтырасыңбы?
Ушул саатыңды эртең эч ким менен бөлүшө албай калган убакыт болбосун.
Баарын азыр жаса!
Көпчүлүгүбүз өмүргө жол салгандай болобуз.
Бирок томолок жетим калгандайбыз...
Тоолордун жанында жүргөн кезибизде,
Тоолордун бийиктигин элес албайбыз...
🌹🌹🌹
Аскар тоо атабызды түшүнбөйбүз,
Акыл айтпай, унчукпай жүрсө дейбиз.
Үй- бүлөм, өзүмдүн балам, өзүмдүн кызым бар.
Бизден бөлөк өздөрүнчө жашасын дейбиз...
🌹🌹🌹
Өлгөндөн кийин жүрөк сыздап сагынабыз,
Түшкө кирсе кетпе деп жалынабыз...
Ким билет Ата-Энебиз кайтып келсе,
Жүрөөр белек мурдагыдай дагы эле биз...
🌹🌹🌹
Кайра келсе Ата-Энемди ыйлатпас элем,
Эч бирөөдөн эч нерсе суратпас элем.
Баркымды берип, көтөрүп көңүлдөрүн,
Ата-Энемдин кадырын түшүрбөйт элем.
🌹🌹🌹
Алар үчүн мен кайра тураар элем,
Беш убак колу-бутун жууйт элем.
Таза абага чыгарып,ашын берип...
Чымын-чиркей жолотпой коруйт элем.
🌹🌹🌹
Бир ирет келебиз бул өмүргө,
Ата-Энебиз убактынча жүрөт өмүрдө.
Кадырын кеч түшүнгөн Ата-Энемдин,
Орду толбой оюлуп турат өмүрдө.
🌹🌹🌹
Куран окуп кээ бирде ыйлап алам,
Кара жерге башымды уруп кулап алам...
Ат-Энеме жакшылык тилеп жүрөм,
Барында ,бар кезинде сурабаган.
🌹🌹🌹
Ата-Энени барында сыйлаңыздар,
Назик ,жумшак көңүлүн кыйбаңыздар ,
Улуулардын көңүлүн албай туруп,
Бул жалганда эч нерсе жыйбаңыздар.
🌹🌹🌹
Жупуну жөнөкөйлүк тандаңыздар,
Кол сунудан эч качан качпаңыздар.
Бийлик деп жүргөн күнүң кечээ болот,
Армандап азабына калбаңыздар.
🤝🤝🤝
Аралашып Ушак-айың айтпаңыздар,
Байлыгыңды туш келди чачпаңыздар.
Кудай үчүн сооп издеп көңүл алып,
Боорукерлик болуудан качпаңыздар.
❤️❤️❤️
Жакындардын каргышына калбаңыздар,
Жүрөктөрүн жаралантып салбаңыздар.
Баарысынын кадырын кеч түшүнүп,
Эң башкысы кечигип калбаңыздар!
Следующая публикация
Нет комментариев