Նա քեզ սիրում է և ուզում է, որ դու հավիտյան չտառապես կրակի լճում, այլ հավիտենական կյանք ունենաս ու ապրես Աստծո սրբերի հետ երկնքում, որտեղ չկա մահ, չկա սուգ, չկա արտասուք, չկա ցավ, այլ ամեն բան հավիտենական է։
Նա ծնվել է ու մեռել է քեզ համար Գողգոթայի խաչով վճարելով քո բոլոր պարտքերը։
Եթե դու թող ես Աստծուն ու հեռացել՝ թողնելով քո երկնային Հորը, հիշիր, թե անառակ որդուն ինչպես ընդունեց հայրը, երբ նա վերադարձավ։
Եթե դու դեռ չես ապաշխարել, թաղված ես մեղքի ու խավարի մեջ և մտածում ես, որ միևնույնն է, չես ապաշխարել և կյանք չես ունենա, մի՛ հավատա սատանայի ստին. նա քեզ խաբում է, որ դու չգաս Աստծուն ու կյանք չունենաս։
Հիշի՛ր խաչի վրայի ավազակին որպես օրինակ ու արի՛ ՔՐԻՍՏՈՍԻՆ, Նա քեզ էլ կասի՝ այսօր ինձ հետ դրախտում կլինես։ Մի՛ կարծիր, թե դու պետք է ինչ որ արժանիք ունենաս, որպեսզի ՔՐԻՍՏՈՍԸ քեզ ընդունի։
ՔՐԻՍՏՈՍԸ ամենամեղավորի բարեկամն է։
Присоединяйтесь к ОК, чтобы посмотреть больше фото, видео и найти новых друзей.
Комментарии 7