Картар хьиз вахарин - кьилел элкъвезвай,
Кутаз луварик чун, наздал гелкъвезвай,
Саврухрин хараркай хуьз алахъзавай,
РикIериз теселли гуз алакьзавай,
Куьн кьилин винизвал, куьн я дамахар,
Аллагьди хуьрай Куьн, чан чи стхаяр!
Квекай беглер хьурай, гьукум гъилевай,
КIатIар ацIайтIани, акьул кьилевай,
Виридаз са виляй - сад хьиз килигдай,
Адалат, гьахъ кIандай, халкьар гилигдай,
Куьн кьилин винизвал, куьн я дамахар,
Аллагьди хуьрай Куьн, чан чи стхаяр!
...Ибур я вахарин хъсан ниятар,
Дуьайрив ийизвай икI авсиятар.
Лув це лап винериз, чи уьтвкем картар,
Виликди фирай куь гьар садан крар,
Куьн кьилин винизвал, куьн я дамахар,
Аллагьди хуьрай Куьн, чан чи стхаяр!
Теране Керимова Оружова
Присоединяйтесь к ОК, чтобы посмотреть больше фото, видео и найти новых друзей.
Комментарии 6