Предыдущая публикация
АЁЛНИ КАМСИТМАНГ
🌺
Аёлни камситманг, у гўзал зийнат,
Ҳар недан устундир Ҳақ адолати.
Отасига, сўнгра фарзандга Жаннат,
Ҳадя этмоқликка бор ваколати.
🌺
Аёлни камситманг, меҳрга ўранг
Ёмон сўз кўксини олади ўйиб.
Аллоҳим эьзозлаб қўйибди қаранг,
Оёғин остига жаннатни қўйиб.
🌺
Аёлни камситманг, эрнинг ярмини,
Тўлдириб тургувчи насибасидир.
Фарзандин камолга бошлаб боргувчи,
Ҳикматли ақлнинг соҳибасидир.
🌺
Аёлни камситманг, у дунё дардин,
Кўтариб юришга кучи етади.
Хўрласангиз, тани қолсада сизга,
Аммо қалби сизни ташлаб кетади.
🌺
Аёлни камситманг, сўзламанг тахир,
Кўнглини синдирар дўқ дағдағангиз.
Ширин сўз, меҳрингиз қизғониб охир,
Синиб кетмасинда чап қовурғангиз...
✍️ДИЛДОРА АБДИНАЗАРОВА
#Qalbim...🥀🥀🥀
Следующая публикация
Нет комментариев