Як ні кінь – шанцуе Гнату
Сёння атрымаў зарплату
І дадому паспяшаў.
Тое-сёе ў краме ўзяў:
Жонцы шмат чаго з харчу
Еж уволю, што хачу.
Дзецям – розныя ласункі.
Хоць не густа, а дарункі.
А дзяцей пяцера ў іх:
Хлопцаў маюць чацвярых.
З іх старэйшы самы – Стас
Перайшоў у восьмы клас,
Потым Федзя – у класе пятым,
Ваня з Колем, што двайняты,
Пойдуць восенню ў школу.
Кніжкі, сшыткі ім гатовы.
Падрастае шчэ Галінка
Гадавалая дзяўчынка –
“Лялечка” , і каб не ўрокам
Робіць першыя ўжо крокі.
Толькі ў хату ўнёс пакункі –
Дзеці роем на ласункі.
Хуценька пералічылі
І пароўну падзялілі.
Усміхнуўся хітра тата:
- Латарэя вось з зарплаты,
А разлік мой, калі што,
Выграць новае аўто.
Досыць на веласіпедзе,
Урэшце разам мы паедзем.
Перш пракоцімся сялом –
Хай пабачаць, як жывём.
У бабулі пасядзім,
Ладак з медам пад’ядзім,
Завітаем к куму Стасу,
За ім к дзядзьку Апанасу,
Потым к цётцы Пелагеі,
Там ранеткі ўжо паспелі.
У нядзелю можна ў горад,
А пасля рванем на мора.
Абступілі дзеці тату :
Сам за руль, вядома , сяду
Са мной побач Стас,а ззаду:
Злева – мама, з ёй Галінка,
Наша ягадка-дзяўчынка,
Справа - побач Ваня з Колем,
Можна й рухацца паволі.
Раптам адазваўся Федзя:
-Кожны ўсеўся, кожны едзе.
Толькі Хведару дарма
Месца, як заўжды, няма.
-Як рабіць - усюды Федзя,
А як ехаць – сесці нейдзе.
Засякайце дзень і час –
Абыйдуся і без вас.
Зарубцуйце на насу ,
Нат вады не прынясу.
І пакрыўджаны Хвядос
Жменяй выцер мокры нос.
Тут Міколка шэпча маме:
Не хачу сядзець з Іванам:
Ен лупцуецца балюча:
То з рагаткі, то анучай,
Ён цукеркі адбіраў,
Ябедаю абзываў.
Падазрона зыркнуў Ваня:
Зноў брат нешта шэпча маме.
Кулачком яму патрас
І ў тварык з ходу – р-р-раз.
Той зароў уголас прама:
Не паеду я з Іванам.
Грозна хмурыць бровы татка:
-Тут мае пакуль парадкі.
І аб стол далонню – хлясь:
- Не паедзеш – дык вылазь.
Калі розум не набыў,
То нагам спакой згубіў.
Ой, турботы не хапала,
Латарэя іх прапала.
Маці спахапілася:
Во , як правалілася.
Бачаць, у малой у роце
Адно шмоцце й засталося.
Зубкі лезуць у дзіцяці,
Цягне ў рот, што знойдзе ў хаце.
Зноўку дзеці просяць тату лотарэй купіць з зарплаты.
Ліпень 2020
Присоединяйтесь к ОК, чтобы посмотреть больше фото, видео и найти новых друзей.
Комментарии 2