У Любані працуе фотавыстава вядомага журналіста «Звязды» Яўгена ПЯСЕЦКАГА
Яго здымкі — гэта цэлая гісторыя, шматгранная і захапляльная. У ёй арганічна пераплецены краявіды дзіўнай прыгажосці, знакавыя падзеі рэчаіснасці, незвычайныя лёсы суайчыннікаў. Нават цяжка ўявіць і падлічыць, колькі іх накоплена за амаль 60 гадоў прафесійнай і творчай дзейнасці?! Але прыемна, што пачэснае месца займаюць фотаработы, прысвечаныя Любаншчыне: легендарнаму востраву Зыслаў, апетай Купалам рэчцы Арэсе, жыхарам-жыццялюбам і рупліўцам, слыннаму земляку Івану Муравейку, мужным абаронцам Айчыны... І яны прасякнуты асаблівай энергетыкай, незвычайным каларытам.
Нет комментариев