Предыдущая публикация
ჩემი ნება რომ იყოს,
სულ წავშლიდი იარებს.
დავიწყებას მივცემდი
ტკივილებს და ზიანებს.
ჩემი ნება რომ იყოს,
სულს არ ავიცრემლებდი,
სულ სიკეთის საქმნელად
გაიწევდნენ ხელები...
ჩემი ნება რომ იყოს,
უკან არ დავიხევდი,
უსამართლო ქარიშხლებს,
გულში არ ჩავიხვევდი...
მხოლოდ მზეებს დავრგავდი,
ხან მოწყენილ ამინდებს...
სიხარულის წვიმები,
გულზე მინდა გაწვიმდეს!..
მხოლოდ სიყვარულისთვის,
დავტოვებდი ადგილებს..
მხოლოდ ერთგულებისთვის,
სულს მივცემდი ნაპირებს...
ჩემი ნება რომ იყოს,
ავკრძალავდი ტყუილებს...
ავკრძალავდი მტრობასაც,
ვინმე გულში თუ იდებს...
მხოლოდ სიყვარულისთვის-
ღირს ამქვეყნად სიცოცხლე!
ნეტავ,ყველას ესმოდეს!..
ნეტავ,ყველამ იცოდეს!.
Следующая публикация
Нет комментариев