19 кастрычніка (субота) стане адметным днём для лясной гаспадаркі Рэспублікі Беларусь, бо галіновае Міністэрства абвясціла рэспубліканскую талаку «Чысты лес». Сама назва згаданага вышэй мерапрыемства сведчыць і пра яе намеры, і пра шырокую задумку, накіраваную на тое, каб родная прырода была яшчэ больш прыгожай, каб лясныя багацці краіны памнажаліся новымі ляснымі масівамі.
Акцыя «Чысты лес» у запланаваны дзень пройдзе і ў дзяржаўнай лесагаспадарчай установе «Васілевіцкі лясгас». Ягонае кіраўніцтва звяртаецца да ўсіх неабыякавых грамадзян горада Васілевічы і населеных пунктаў, якія ў зоне функцыянавання лясніцтваў лясгаса, прыняць пасільны ўнёсак у добра-патрыятычную справу навядзення належнага парадку на зямлі. Словам: далучайцеся да рэспубликанскай талакі па навядзенні чысціні ў лесе «Чысты лес», ініцыятар якой Міністэрства лясной гаспадаркі Рэспублікі Беларусь!
Присоединяйтесь к ОК, чтобы подписаться на группу и комментировать публикации.
Нет комментариев