@
Билиб билмай ранжитганмидим.
Билолмадим пушаймон едим.
Ўз ўзимга шивирлаб дедим.
Нега мендан кечгансиз Она?
Чиройлисиз,тўрт мучангиз соғ.
Юрибсизми димоғингиз чоғ.
Кимга керак меваси йўқ боғ.
Нега мендан кечгансиз Она?
Тушимда сиз муслим Аёл.
Бошингизда майдагул рўмол.
Бари ёлғон,хаммаси хаёл.
Нега мендан кечгансиз Она?
Мўмин бўлса Падар,Оналар.
Бўлмасмиди етим хоналар.
Бунда талай мендек доналар.
Нега мендан кечгансиз Она?
Тилим бийрон югурик пойим.
Лек йўқ шошиб югурар жойим.
Нураб борар кўнгил саройим.
Нега мендан кечгансиз Она?
Суйилсам сўнг суйсам дегандим.
Қучоқ тафтин туйсам дегандим.
Кулчангиздан куйсам дегандим.
Нега мендан кечгансиз Она?
Банддан кечмас хеч мўмин халқи.
Мўмин халқи бандим дер балқи.
Кеча келган синглимдир балки.
Нега мендан кечгансиз Она?
Исмимни ким қўйган бу гумон.
Не важ кўксим ўйган бу гумон.
Англолмайман айбим не хамон.
Нега мендан кечгансиз Она?
Саккиз ёшга тўлибман бугун.
Саккиз ёшли бўлибман бугун.
Саккиз йилку ечилмас тугун.
Нега мендан кечгансиз Она?
Юртим,халқим демас сен малол.
Кийинтирар,едирар халол.
Қоюмда хам менда бир савол.
Нега мендан кечгансиз Она?
Билиб билмай ранжитдимми ё...
Присоединяйтесь к ОК, чтобы подписаться на группу и комментировать публикации.
Комментарии 9