Ишқ ҳақида шеър,
Айрилиқ ҳақида бўлса ҳам майли.
Фақат Кумуш билан қолсин Отабек,
Қайсидан ҳеч жудо бўлмасин Лайли!
Мухаббат ҳақида бирон афсона,
Ошиқлар ҳақида достон билсанг айт,
Шулар бўлақолсин менга баҳона,
Бир тўйиб йиғлагим келаётган пайт.
Куйласанг дардларим кетади тандан,
Садоқатли маъшуқ, вафоли ёрдан.
Куй чалсанг дудоғинг қизғангум найдан,
Сен қучсанг торда ҳам аламим борда!
Менга шеър ўқиб бер, дунёларимга,
Қўнғироқ овозинг сочилиб кетсин.
Ҳапқирган юракнинг сарҳатларида,
Оппоқ атиргуллар очилиб кетсин!
Кейин қўлларингни кўксинга қўйиб,
Мана шу еримда яшайсан деб айт.
Ва мен қаламимни қўлимга олиб,
Янги шеър ёзайин, номи "МУХАББАТ"!
МЕНГА ШЕЪР ЎҚИБ БЕР...
Малика Салимова
Присоединяйтесь к ОК, чтобы подписаться на группу и комментировать публикации.
Нет комментариев