Предыдущая публикация
СОҒИНЧ қозонида пишинг, қоврилиб.
Ўйноқи, беқарор шамолингизда,
Менинг орзуларим битди соврилиб.
Сизни ПУШАЙМОНЛАР суйсин жонидан,
Мендан ортиқ суйса, АРМОНЛАР суйсин.
Сира силжитмасин АФСУС ёнидан,
Куйса юрагингиз ҲАЖРИМДА куйсин!
Ҳар гулдан бол топинг, лаззат бўлмасин,
Ҳеч уйда кўнглимдек иззат бўлмасин,
Сиз борар давралар гўзал бўлсину,
Менинг суҳбатимдек суҳбат бўлмасин!
Энди тушингизни сувларга айтинг,
Кўзингиз кўшкида суратим қотсин.
Сизла бир ёстиққа бош қўйса кимдир,
Кўз ёшдан жиққа ҳўл ёстиқда ётсин!
Сиздан бор балолар кетсин юз буриб,
Дардлар минг чақирим ўтсинлар нари.
Дунё шодликлари бари бўлсину,
Сизга таътимасин менсиз ҳеч бири.
Малика Тавфиқ
Присоединяйтесь к ОК, чтобы подписаться на группу и комментировать публикации.
Комментарии 4